Пра ўзгадненне чарговага пакета антырасійскіх санкцый паведаміў у панядзелак кіраўнік МЗС Венгрыі Петэр Сіярта. Паводле яго слоў, новыя меры закрануць 48 фізічных асоб, уключаючы аднаго віцэ-прэм'ера і кіраўнікоў некалькіх рэспублік у складзе Расіі, а таксама 9 кампаній, у тым ліку Сбербанк.
Найбуйнейшы дзяржаўны банк Расіі ўжо адключаны ад сістэмы SWIFT разам з яшчэ 9 расійскімі банкамі і знаходзіцца пад блакавальнымі санкцыямі ЗША і Вялікабрытаніі, але не ўключаны ў еўрапейскія чорныя спісы.
Акрамя таго, Еўрасаюз разглядае ўзмацненне суровасці санкцый у дачыненні да дэпазітаў расіян, паведаміў Сіярта. Цяпер асобам з расійскім пашпартам, а таксама кампаніям-рэзідэнтам Расіі будзе забаронена адкрываць рахункі ў еўрапейскіх банках на суму, большую за 100 тысяч еўра.
У той жа час, па словах Сіярта, у пакет не ўвойдуць якія-небудзь абмежаванні па пастаўках расійскіх энерганосьбітаў і санкцыі ў дачыненні да «Газпрамбанка».
Затое ў санкцыйны пакет уваходзіць забарона на пастаўкі золата, дадатковыя абмежаванні на пастаўкі тавараў падвойнага прызначэння, забарона на аказанне бухгалтарскіх, аўдытарскіх і падатковых кансультацыйных паслуг.
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ11
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1010
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»10
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары