Навука і тэхналогіі

Турцыя робіць стаўку на беспілотныя верталёты

Падчас вайны ў Нагорным Карабаху і расійска-ўкраінскай вайны на ўвесь свет прагрымелі турэцкія беспілотнікі «Байрактар». На думку многіх вайсковых спецыялістаў і аглядальнікаў, дроны ўнеслі істотныя змены ў прынцыпы вядзення вайны. Цікава, што Турцыя (якая стала адным з сусветных лідараў у вытворчасці вайсковых беспілотнікаў) мае амбітныя планы і на беспілотныя верталёты. 

Турэцкая армія ў хуткім часе атрымае першыя беспілотныя верталёты, якія будуць выкарыстоўвацца для выканання задач разведкі, баявога патрулявання, дастаўкі ўзбраення і грузаў.

Першыя такія верталёты са штучным інтэлектам пачнуць выкарыстоўвацца арміяй у барацьбе з курдскімі паўстанцамі.

Alpin

Адной з пераваг беспілотнага верталёта у параўнанні са звычайнымі дронамі з'яўляецца магчымасць палётаў пад аблокамі, што дазваляе выкарыстоўваць яго ў любых умовах надвор'я. Разам з вырашэннем ваенных задач беспілотнік можа таксама выкарыстоўвацца для тушэння лясных пажараў, у сельскай гаспадарцы, для аховы цывільных аб'ектаў.

Запыты на набыццё беспілотніка паступаюць з-за мяжы, галоўным чынам ад нафтаздабываючых краін.

Вага беспілотнага верталёта складае 250 кг, аналагічнай ёсць і яго карысная нагрузка. Ён здольны знаходзіцца ў паветры на працягу 8 гадзін і здзяйсняць палёты на вышыні 6,5 км.

Гаворка ідзе пра мадэль Alpin кампаніі TITRA. Мадэль першапачаткова выкарыстоўвалася ў цывільных місіях (для тушэння лясных пажараў), але будзе мадэрнізаваная для ваенных місій.

Перапрацаваны верталёт будзе выкарыстоўвацца ў першую чаргу для матэрыяльна-тэхнічнай падтрымкі, разведкі і атрымання фатаграфій.

У кампаніі зараз працуюць над распрацоўкай і іншых беспілотных сістэм.

Будуць розныя мадыфікацыі верталёта. Верталёт абсталююць не толькі зброяй і боепрыпасамі, але і іншымі сістэмамі ды карысным грузам.

Кампанія зацікаўленая ў інтэграцыі розных відаў цяжкага ўзбраення, але прыярытэтам з'яўляецца такая зброя, як ракеты або рэактыўныя снарады. Усе гэтыя планы будуць увасобленыя ў жыццё ў 2023 годзе, а пакуль што прыярытэт інжынераў — падагнаць Alpine пад ваенна-лагістычныя патрэбы арміі.

Наступная мадэль, якая можа паступіць на ўзбраенне турэцкай арміі — T629, вытворца — кампанія Turkish Aerospace Industries, якія распрацоўвае апараты для турэцкай арміі.

Прататып упершыню быў прадэманстраваны яшчэ ў 2021 годзе, а ўвогуле над праектам працуюць з 2017-га.

T629 будзе важыць 6 тон і будзе абсталяваны 70-мм некіравальнымі ракетамі і супрацьтанкавымі ракетамі L-UMTAS.

T629

T629 прызначаны для выкарыстання ў якасці платформы для пошукава-выратавальнай, супрацькарабельнай і супрацьлодкавай барацьбы, а таксама для падтрымкі існуючых у Турцыі пілатаваных верталётаў T129 ATAK пры выкананні службовых і разведвальных задач.

Верталёт паступіць на ўзбраенне таксама ў 2023 годзе. 

Каб знізіць выдаткі на распрацоўку і вытворчасць, T629 выкарыстоўвае многія кампаненты верталёта T625 Gökbey.

Дызайнам T629 нагадвае пілатаваны T129 ATAK, але ён мае карысную нагрузку на адну тону большую.

Каментары

Цяпер чытаюць

Від на Каложскую царкву безнадзейна сапсаваны38

Від на Каложскую царкву безнадзейна сапсаваны

Усе навіны →
Усе навіны

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям61

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

Забраў ката ў мяшку. Чаму беларус не змог вярнуць тавар у пункт выдачы заказаў?

«Зарабіў 1200, потым прыйшоў штраф на 1000». Беларусы дзеляцца ўмовамі працы на складзе Wildberries у «Вялікім Камені»12

больш чытаных навін
больш лайканых навін

Від на Каложскую царкву безнадзейна сапсаваны38

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць