Так выглядаў помнік Аляхновічу
«Спадарства, час павярнуць помнік Ф. Аляхновічу на месца, на віленскія Росы. Магчыма, вы ведаеце, што апошнія гады ён быў у аварыйным стане, а таму ў сакавіку 2021 года мы часова прыбралі яго і паставілі на яго месца крыж. І каб па «беларускай традыцыі» часова не сталася, як назаўсёды, над рэстаўрацыяй арыгінальнага помніка ўжо цяпер працуе літоўскі майстар з Коўна. Агульны кошт усіх рэнавацыйных прац над помнікам будзе каля 6500 еўра. Гэтыя сродкі цяпер трэба сабраць», — напісаў у Фэйсбуку Кірыл Атаманчык.
Цяпер вырашаецца пытанне аб стварэнні зручнай платформы для збору грошай.