ІАЦ пры Адміністрацыі прэзідэнта: ужыванне беларускай мовы звузілася
У хатніх умовах часта ці час ад часу ўжываюць беларускую мову толькі 35,1% рэспандэнтаў.
Інфармацыйна-аналітычны цэнтр пры Адміністрацыі прэзідэнта правёў даследаванне наконт ужывання беларускай мовы ў грамадстве. Вось некаторыя яго вынікі.
Валоданне беларускай мовай (відаць, быў магчымы больш за адзін адказ)
29,4% - вольна размаўляюць, чытаюць і пішуць па-беларуску;
52,5% - могуць размаўляць і чытаць;
8,3% - разумеюць, але размаўляць і чытаць не могуць;
7% - разумеюць толькі словы, падобныя на расійскія;
10% - зусім не ведаюць;
1,7% - не ўспрымаюць.
Мова паўсядзённага ўжытку
72% - расійская;
11,9% - беларуская.
Па-расійску ў гарадах размаўляюць 78,7% чалавек, у Мінску - 83,2%.
У вёсцы ў паўсядзённым ужытку карыстаюцца беларускай мовай 18,8%.
Па-беларуску пастаянна размаўляюць толькі 19,9% пенсіянераў і 6% чалавек, маладзейшых за 30 гадоў.
Найбліжэйшая, родная мова
69,5% - расійская;
36,7% - беларуская;
1,2% - украінская;
1,1% - польская.
Беларуская мова родная для 45,6% вяскоўцаў і 33,1% гараджан. Сярод апытанай моладзі 33,1% рэспандэнтаў лічаць беларускую мову роднай.
На працы, навучанні - 29,7%. Каля 25% ужываюць яе ў зносінах са знаёмымі і сябрамі. Каля 20% - на вуліцы, транспарце.У хатніх умовах часта ці час ад часу ўжываюць беларускую мову 35,1% рэспандэнтаў.
Прыкладна такія ж пытанні будуць зададзеныя ў час перапісу насельніцтва ў кастрычніку гэтага года.
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў15
Каментары