СМІ: Галоўнага херсонскага калабаранта атруціў уласны кухар, ён па-ранейшаму ў рэанімацыі
Прызначаны расіянамі «кіраўнік» акупаванай Херсонскай вобласці Уладзімір Сальда знаходзіцца ў рэанімацыі з 3 жніўня. Як піша расійскі тэлеграм-канал Baza са спасылкай на крыніцы, у маскоўскай бальніцы, дзе цяпер знаходзіцца Сальда, яму дыягнаставалі атручэнне. У спробе атруціць падазраюць ягоных кухара і пакаёўку.
Сцвярджаецца, што новага кухара напярэдадні перад верагодным атручваннем прывяла пакаёўка, якая працуе ў доме Сальда. Праз паўгадзіны пасля таго, як кіраўнік калабарацыянісцкай адміністрацыі паеў, у яго пачалося памутненне розуму, потым сталі дранцвець пальцы. Яшчэ праз пару гадзін ён страціў прытомнасць.
Чым менавіта быў атручаны калабарант, пакуль невядома — вынікі аналізаў стануць вядомыя пазней.
Зрэшты, ягоны галоўны паплечнік Кірыл Стрэмавусаў увогуле пакуль адмаўляе тое, што шэфа атруцілі. У яго, маўляў, проста вялікая стомленасць ад напружанай працы і пастаянных нерваў.
Чытайце таксама:
Галоўны херсонскі калабарант цяжка захварэў
Цяпер чытаюць
На пратэстанцкі фестываль у «Чыжоўку-Арэну» едзе амерыканскі прапаведнік Франклін Грэм. Разам з ім чакаюць Коўла з жонкай15
Каментары
А з вашага зьместу не зразумела, хто ў рэанімацыі, калабарант ці кухар.