У панядзелак у судзе даваў паказанні асноўны абвінавачаны па справе «аб дзяржаўным перавароце» — Юрась Зянковіч. Ён «прызнаўся» ў тым, што распрацоўваў план фізічнай ліквідацыі Аляксандра Лукашэнкі, але падкрэсліў, што самога плана ў яго няма, піша расійскае выданне Sputnik.
У судзе прагучала інфармацыя, што першапачаткова план забойства беларускага дыктатара нібыта распрацаваў Дзяніс Хофман і ён называўся «Цішыня». Яго нібыта хацелі даручыць выканаць Мікалаю Аўтуховічу, але той адмовіўся. Як сказаў Зянковіч: «План «Цішыня» мне падаваўся, але іншым чалавекам. […] Аўтуховіч сказаў, што гэта малапрафесійна, і я пра яго забыўся».
Адбор у склад «змоўшчыкаў», паводле словаў Зянковіча, нібыта адбываўся толькі па пратэкцыі тых, хто ўжо знаходзіўся ў змове, пытанне вырашалася на калегіяльнай аснове. У ліку «змоўшчыкаў» былі нібыта Ігар Макар і Вольга Карач, хоць, па словах Зянковіча, асабіста ён быў катэгарычна супраць Карач «з-за яе неабавязковасці».
Пракурор зачытаў вытрымку з плана «Цішыня», паводле якога нібыта планавалася страляць з гранатамёта «Муха» па лукашэнкаўскай машыне.
Пасля выбараў, калі Зянковіч, па ягоных словах, убачыў, што «Ціханоўская прайграла ўсё, што можна», ён выйшаў на кантакт з нейкім сілавіком Жураўскім і спытаў у яго, «ці можа армія выправіць сітуацыю». Пасля станоўчага адказу нібыта і закруцілася ўся справа. Зянковіч пацвердзіў, што «змоўшчыкі» нібыта чакалі, што ЗША выдзеліць ім 10 мільёнаў даляраў на правядзення вайсковага перавароту. А таксама нібыта Дзмітрый Шчыгельскі звяртаўся па дапамогу ў гэтай справе да ўладаў Ізраіля.
Згаданы Зянковічам Дзяніс Хофман мае падвойнае грамадзянства Украіны і Германіі і з'яўляецца стваральнікам «Атрадаў грамадзянскай самаабароны», прызнаных рэжымам тэрарыстычнай арганізацыяй яшчэ ў мінулым годзе.
Чытайце таксама:
Што такое «Атрады грамадзянскай самаабароны», якіх Лукашэнка абвінаваціў у тэрарызме?
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца4
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары
Аператыўна вылез Satan забалбатаць тэму, але не, не атрымаецца. Ну цяпер та ўсё стала ясна, хто прыдумляў увесь гэты "план"? Усё тыя ж,якiя "стралялi" па аўто шклоўскай ср..кi пад Лёзна, толькi цяпер замест пiсталецiка у iх стала "Муха", ну i плюс прымазалi госдеп i ЗША. А жа галоўным палiттэхнолагам ср..кi ў 1994быў усё той жа Фядута...чалавек тонкай душэўнай арганiзацыi... Адно толькi цiкава калi хто заўважыў, што справу актыўна раскручвала лубянка, дык i мо i тады ў 1994 п'есу пiсалi адтуль?
бо я слухала сёння куды больш цикавае кина, седзячы ў нейкай пельменнай (скажам так) горада парыжа
а бацька наш будзе жыць вечна. і да свяціцца імя яго