Па словах Галоўчанкі, у горадзе будзе створана пляцоўка, на якую інвестар можа прыйсці проста з абсталяваннем. Усё астатняе будзе забяспечана дзяржавай.

«Дзяржава ўкладзецца ў стварэнне спецыяльнай пляцоўкі з усімі неабходнымі камунікацыямі: вада, электраэнергія, газ, ачышчальныя збудаванні. Фактычна гэта будзе чыстая пляцоўка, куды чалавек зможа прыйсці са сваім абсталяваннем і пачаць адразу працаваць. Гэта важна, бо нават узгадненне праектнай дакументацыі на падвод займае досыць шмат часу», — сказаў прэм'ер.

Пляцоўка будзе прызначацца для беларускіх прадпрымальнікаў, якія змогуць атрымаць тут падатковыя льготы.

«Гэтую пляцоўку зробім прывабнай за кошт стварэння там асаблівага рэжыму. Гэта будзе нейкі аналаг кітайска-беларускага індустрыяльнага парку «Вялікі Камень», толькі для беларускіх прадпрымальнікаў. Словам, невялікая індустрыяльная зона», — дадаў Галоўчанка.

Галоўчанка дапусціў, што праект можа быць рэалізаваны ў рамках дзяржаўна-прыватнага партнёрства, калі камунікацыямі займаецца інвестар, які потым здае абсталяваныя месцы ў арэнду прадпрымальнікам. Цяпер у Беларусі працуе сем свабодных эканамічных зон і дзве асаблівыя эканамічныя зоны («Вялікі Камень» і ПВТ). Таксама льготы даюцца рэзідэнтам зоны «Брэміна-Орша».

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

0
Напрягаемся и тужимся / Адказаць
10.08.2022
Не понял, они так назвали новую тюрьму, для белорусских предпринимателей, которую откроют (построят) в Барановичах ???
 Или свободную, экономическую зону, которую создадут в новой тюрьме, для белорусских предпринимателей, которую построят и откроют в Барановичах ???
0
Кемлік / Адказаць
10.08.2022
Прыгожа ўсё распісаў. Забыў толькі дадаць, што с прыбыткам інвестару можа зайсці і дубінка ў ср*аку. Як кажуць у народзе: ёсць нюанс.
0
стоп лукашызм / Адказаць
10.08.2022
“… «Вялікі Камень» для беларускіх прадпрымальнікаў” - ад лукашызму можна чакаць толькі надмагільны камень або зону - “… невялікая індустрыяльная зона”.
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру