У Беларускім дзяржаўным універсітэце завяршыўся прыём на платную форму навучання. На дзённую форму былі залічаныя 1564 абітурыенты. Конкурс склаў 1,4 чалавека на месца, паведамляе прэс-служба ўніверсітэта.
Самыя высокія балы былі на спецыяльнасці «міжнародныя адносіны» (342 балы), «міжнароднае права» (341), «біяінжынерыя і біяінфарматыка» (323).
На завочную платную форму залічана 565 абітурыентаў. Конкурс склаў 1,3 чалавека на месца.
На завочную платную форму для атрымання другой вышэйшай адукацыі залічаныя 94 абітурыенты, па хадайніцтве спартыўных федэрацый і саюзаў дадаткова залічаныя 58 чалавек.
Нагадаем, конкурс на бюджэтную форму навучання ў БДУ склаў 1,7 чалавека на месца.
Каментары