Беларускі гісторык, прафесар Алесь Смалянчук падчас працы ў Нацыянальным музеі Літвы знайшоў новыя беларускамоўныя тэксты ў паперах Літоўскага правінцыйнага камітэта, якім кіраваў Кастусь Каліноўскі.
«Тыдзень даследчай працы ў бібліятэках і музеях Вільні аказаўся плённым. У фондах Нацыянальнага музея Літвы сярод матэрыялаў Літоўскага правінцыйнага камітэта знойдзеныя некалькі беларускамоўных тэкстаў, відавочна, з асяроддзя Кастуся Каліноўскага.
Почырк некаторых («Do Ciabie swiaty ojcza…», чатырохрадкоўе на адвароце шостага нумара «Мужыцкай праўды») падобны на почырк Каліноўскага…
Нават павярхоўны прагляд дакументаў наводзіць на думку, што прынамсі іх частка належала асабіста Кастусю Каліноўскаму», — напісаў гісторык у сябе ў фэйсбуку.
Цяпер чытаюць
Што вядома пра віцебчука, якога вінавацяць у спробе падрыву самалёта ў Германіі10
Каментары