Снарады ў Данецку прыляцелі роўна ў кабінет, дзе спікер расійскай Дзярждумы перад гэтым размаўляў з Пушыліным
У момант абстрэлу Данецка ўчора ў горадзе знаходзіўся старшыня Дзярждумы Расіі Вячаслаў Валодзін. Яго эвакуявалі з будынка за некалькі хвілін да ўдару.
Пра гэта паведамляе «Коммерсант» са спасылкай на свае крыніцы.
Паводле інфармацыі выдання, ракета трапіла ў кабінет у будынку адміністрацыі «ДНР», з якога нядаўна вывелі дэлегацыю Думы на чале з Валодзіным. Раней там адбылася іх сустрэча з кіраўніком «ДНР» Дзянісам Пушыліным.
Адзін з суразмоўцаў выдання ўдакладніў, што чыноўнікаў вырашылі эвакуяваць з будынка, калі стала вядома аб пачатку абстрэлу. У выніку адзін снарад трапіў у кабінет Пушыліна, а другі — у залу пасяджэнняў. Таксама пацярпелі фасад дома, часткова разбурыліся правае крыло і верхні паверх. Пасля атакі ў адміністрацыі адбыўся пажар.
Да нападу Расіі ў лютым 2022 года ўкраінскія войскі абмяжоўваліся падаўленнем агню расійскіх сілаў уздоўж лініі фронту. У апошнія месяцы яны пачалі наносіць высокадакладныя ўдары па складах і камандных цэнтрах у глыбіні акупаванай тэрыторыі.
Цяпер чытаюць
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?12
Каментары