Памочнік міністра абароны Беларусі па пытаннях міжнароднага ваеннага супрацоўніцтва Валерый Равенка назваў сённяшнюю заяву прадстаўніка Генштаба УСУ правакацыяй.
«Прадстаўнік галоўнага аператыўнага ўпраўлення Генеральнага штаба Узброеных сіл Украіны распаўсюдзіў заведама ілжывую інфармацыю пра намер Узброеных сіл Рэспублікі Беларусь захапіць частку тэрыторыі Украіны падчас будучых у верасні камандна-штабных вучэнняў», — напісаў Равенка ў твітары.
Таксама ён заявіў, што Генштаб УСУ недакладна назваў склад удзельнікаў вучэнняў.
Прадстаўнік Генштаба УСУ Аляксей Громаў падчас сённяшняга брыфінгу расказаў пра беларускія вайсковыя вучэнні, запланаваныя на 8-14 верасня. Падчас іх, заявіў Громаў, плануюць адпрацаваць «вызваленне часова акупаваных тэрыторый». На яго думку, гэтымі словамі могуць прыкрываць захоп прымежных раёнаў Украіны ў Валынскай, Ровенскай і Жытомірскай абласцях.
Таксама ён паведаміў, што ў вучэннях будуць удзельнічаць вайскоўцы з Расіі ды іншых краінаў АДКБ.
Каментары
Их уровень - докладывать о сбитых воздушных шариках на границе и передавать заряды бодрости.
Взрослому мужчине стыдно быть частью этой группы клоунов.