Узброеныя сілы Азербайджана абстралялі армянскія пазіцыі па трох напрамках, паведаміла прэс-служба Мінабароны Арменіі.
Як заявілі ў вайсковым ведамстве Арменіі, пасля паўночы 13 верасня вайскоўцы Азербайджана пачалі абстрэльваць армянскія пазіцый каля населеных пунктаў Горыса, Сотка і Джэрмука з артылерыі і буйнакаліберных гармат, а таксама з дапамогай беспілотнікаў.
У сваю чаргу, у Мінабароны Азербайджана заявілі, што падраздзяленні Узброеных сілаў Арменіі здзейснілі дыверсіі на Дашкесанскім, Кельбаджарскім і Лачынскім кірунках азербайджанска-армянскай дзяржаўнай мяжы.
«Дыверсійныя групы Узброеных сілаў Арменіі ў цёмны час сутак замініравалі раёны і шляхі забеспячэння паміж пазіцыямі падраздзяленняў азербайджанскай арміі ў розных напрамках, выкарыстоўваючы горны рэльеф мясцовасці і існуючыя яры», — гаворыцца ў паведамленні.
«У выніку прынятых нашымі часцямі тэрміновых мераў па неадкладным прадухіленні гэтых актаў адбыўся бой», — дадае Мінабароны Азербайджана.
Паведамляецца пра страты з абодвух бакоў канфлікту.
Важна, што калі меркаваць па цяперашніх паведамленнях, баі ідуць не на тэрыторыі Нагорнага Карабаха, які паводле міжнароднага права з'яўляецца часткай Азербайджана, хоць часткова і кантралюецца Арменіяй ужо тры дзясяткі гадоў, а на міжнародна прызнанай армянскай тэрыторыі. Калі гэта так, то можа стварыцца зусім новая ваенна-палітычная сітуацыя.
Арменія з'яўляецца членам Арганізацыі Дамовы аб калектыўнай бяспецы. У адпаведнасці з умовамі гэтай дамовы, іншыя члены арганізацыі Беларусь, Расія, Казахстан, Кыргызстан і Таджыкістан павінны прыходзіць на дапамогу, калі нехта нападзе на Арменію.
Чытайце таксама:
Войскі Азербайджана зайшлі ў Лачын, які 30 гадоў кантралявала Арменія
Што за Дзмітрый Скіндзераў, які абвясціў вайну Ціханоўскай? Супрацоўніцтва з ГУБАЗіКам, даўгі ў Беларусі, даўгі ў Літве34
Каментары