Тэлеграм-канал «Беларускі гаюн» на падставе сваіх крыніц сцвярджае, што ўкраінскі прарасійскі палітык Віктар Медзвядчук, якога 21 верасня абмянялі на байцоў батальёна «Азоў» і які сёння аб'явіўся ў Турцыі, апынуўся там не адразу. Спачатку ён нібыта разам з 55 расійскімі вайскоўцамі, якія патрапілі пад абмен, быў вывезены ў Беларусь, і толькі адтуль перабраўся ў Турцыю.
Раней паведамлялася, што лагістыка і абмен палоннымі праходзілі праз аэрапорт «Гомель». Аднак сёння расійскае выданне «Коммерсантъ» са спасылкай на прэзідэнта Турцыі Рэджэпа Таіпа Эрдагана паведаміла, што пасля абмену Віктар Медзвядчук з Турцыі адправіўся ў Расію.
«Беларускаму гаюну» стала вядома, што 21 верасня ў Нацыянальным аэрапорце «Мінск» прызямліўся бізнес-джэт з бартавым нумарам RA-02811, які прыляцеў з Масквы (аэрапорт «Унукава»). А ўжо раніцай 22 верасня гэты самалёт з Мінска адправіўся ў стамбульскі аэрапорт імя Атацюрка, куды прыбыў у 17:00 таго ж дня.
Гэта, на думку «Беларускага гаюна», сведчыць пра тое, што Медзведчука разам з 55 палоннымі вайскоўцамі УС РФ прывезлі ў Беларусь. Тады вайскоўцаў транспартным самалётам даставілі з аэрапорта «Гомель» адразу ў Маскву.
Медзведчука ж асобна даставілі ў Мінск, а адтуль бізнес-джэтам пераправілі ў Стамбул. І ўжо са Стамбула на тым жа самалёце ён з'ехаў у Расію. Самалёт з ім на борце зрабіў пасадку ў Маскве сёння ў 12:20.
На вяртанні Віктара Медзведчука ў Расію нібыта настойваў асабіста Уладзімір Пуцін.
Цяпер чытаюць
Пракуратура пра смерць Мелказёрава: журналіст меў хранічную хваробу17
Каментары