Чыноўнікі адмянілі паказ аперэты амаль стогадовай даўніны, бо там пазітыўна паказваюць Амерыку
Чыноўнікі адмянілі прэм'еру аперэты венгерскага кампазітара Імрэ Кальмана «Герцагіня з Чыкага», якую рыхтаваў Беларускі дзяржаўны музычны тэатр. Пра гэта сайту «Зеркало» расказалі супрацоўнікі тэатра.
Гэтая аперэта Кальмана ўпершыню была пастаўленая ў 1928 годзе.
Прэм'ера ў Мінску была запланаваная на 23 і 24 верасня.
На здачу спектакля былі запрошаныя чыноўнікі з упраўлення культуры Мінгарвыканкама. Пасля гэтага тэатр паведаміў, што прэм'ера адмяняецца «па тэхнічных прычынах». Паказы спектакля ў кастрычніку таксама адмененыя. Прытым адмена тычыцца таксама і гастроляў у Расіі, якія адбудуцца неўзабаве — там спектакль таксама не пакажуць, хоць спачатку гэта і планавалася.
Цікава, што да гэтага анонс прэм'еры з'явіўся ў цалкам пазітыўнай танальнасці на сайце дзяржаўнага інфармацыйнага агенцтва «БелТА».
«Герцагіня з Чыкага» — палітычная сатыра як на амерыканскія, так і на еўрапейскія рэаліі 1920-х гадоў. Верагодна, беларускія чыноўнікі пабачылі ў пастаноўцы паралелі з сучаснай сітуацыяй. Па словах супрацоўнікаў тэатра, чыноўнікам не спадабаліся жарты пра пачатак вайны з Японіяй, героі гомасексуальнай арыентацыі, а таксама тое, што Амерыка ў цэлым паказваецца ў аперэце пазітыўна.
Найбліжэйшы паказ «Герцагіні з Чыкага» запланаваны на 11 лістапада. Супрацоўнікі спадзяваюцца да таго часу прывесці спектакль у выгляд, які задаволіць чыноўнікаў Мінгарвыканкама.
-
У 7‑й спецбрыгадзе ўнутраных войскаў змянілі камандзіра і ідэолага — неўзабаве пасля праверкі боегатоўнасці
-
Латушка: Перамовы па Украіне могуць адкрыць магчымасці для Беларусі. Дэмсілы павінны быць за сталом
-
«Я хачу развеяць міф, што я вельмі моцны чалавек, проста танк, бо многія ведаюць мяне з 2020-га». Размова з Галінай Казіміроўскай аб перамозе над цяжкім дыягназам
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары