Следчы камітэт распачаў крымінальную справу супраць рэжысёркі фільма «Каліноўскі»
Следчы камітэт распачаў крымінальную справу супраць рэжысёркі Вольгі Швед. Сілавікі палічылі, што стваральніца фільма «Каліноўскі» распальвае нацыянальную варожасць, паведамляе «Белсат».
Вольга Швед, сцэнарыстка і рэжысёрка фільма «Каліноўскі» расказала, што літаральна пасля выхаду на «Белсаце» стужкі Следчы камітэт распачаў супраць яе крымінальную справу паводле арт. 130 КК («Распальванне нацыянальнай варожасці»).
«Каліноўскі казаў: «Тады толькі зажывеш шчасліва, народзе, калі маскаля над табой не будзе». Тут абраза і Крамля, і ўсходніх суседзяў. Асабліва калі ідзе вайна ва Украіне і рэвалюцыя ў 2020 годзе была здушаная пры ўдзеле Пуціна і па сцэнарыі паўстання 1863 года. Фільм атрымаўся надзвычай актуальны, таму СК ніяк міма не мог прасці», — пракаментавала Вольга Швед сваю справу ў размове з «Белсатам».
Рэжысёрка таксама дадала, што не атрымала позву, паколькі стала жыве за мяжой і мае адпаведны пашпарт серыі РР, таму яе няма куды дасылаць.
Таксама стала вядома, што галоўны герой фільма гісторык Васіль Герасімчык пакінуў Беларусь у сувязі з пераследам з боку сілавікоў.
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары