Чыноўніку паскардзіліся на занадта малыя курыныя тушкі. Даручана разабрацца
Маніпуляцыі з курыным мясам прывялі ў Беларусі да забаронаў і крымінальных спраў. Але на гэтым праблемы не скончыліся.
На тэлефонную лінію да першага намесніка старшыні Гомельскага аблвыканкама Дзмітрыя Козела дазванілася жыхарка мікрараёна Сяльмашаўскі Святлана Васільеўна.
Яна паскардзілася, што ў гандлёвых аб'ектах Гомеля нельга знайсці курыцу, цяжэйшую за 1,6 кілаграма, піша «Гомельская праўда».
Жанчына сцвярджае, што ў норме тушкі павінны важыць ад 1,7 да 2,1 кіло.
Дзмітрый Козел узяў пытанне на свой кантроль. Хутка гамяльчанка атрымае пісьмовы адказ.
Раней на нарадзе 6 кастрычніка Аляксандр Лукашэнка абурыўся тым, што ў крамах маніпулююць з цэнамі. «Расчлянілі дохлую курыцу, упіхнулі ў поліэтыленавы пакет — новы тавар!» — гнеўна адчытваў ён чыноўнікаў на камеру.
Пасля гэтага ён падпісаў дырэктыву, якая забараняе рост цэн, а Міністэрства антыманапольнага рэгулявання і гандлю прыняло адмысловую пастанову, якой рэгулююцца цэны не толькі на саму курыцу, але і на яе часткі. Паралельна ўрад абмежаваў крамам продаж частак тушкі птушкі, за выключэннем вырабленых мясаперапрацоўчымі, сельскагаспадарчымі і птушкагадоўчымі арганізацыямі.
Ужо заведзеныя дзясяткі крымінальных спраў за «неабаснаванае» павышэнне цэн, у тым ліку на птушкафабрыцы «Дружба» за продаж разрэзаных курыц.
Што за расчлянёная курыца падсадзіла Лукашэнку на каня?
Цяпер чытаюць
РІА Навіны апублікавала калонку, што Расію чакае яшчэ адна «СВА» — з Літвой. А пасля выдаліла з пазнакай «Не адпавядае дзяржаўнай палітыцы»28
Каментары
а косткі ўвогуле каштуюць вунь 1 капейку
за кошт адной куркі гэта колькі мяхоў тых костак можна набраць?