Архімандрыт Беларускай праваслаўнай царквы Аляксей (Шынкевіч) назваў паклёпам і фальшыўкай матэрыял, паказаны па першым канале БТ 27 верасьня. У ім параводзіліся паралелі паміж стваральнікам партыі Беларуская Хрысьціянская дэмакратыя Паўлам Севярынцам і Адольфам Гітлерам. Паводле сяброў БХД, фільм утрымліваў іншыя паклёпніцкія зьвесткі з мэтай дыскрэдытацыі сяброў аргкамітэту. У паказаным матэрыяле гучалі камэнтары загадчыка юрыдычнай службы Менскай эпархіі Андрэя Алешкі, а таксама протадыякана Андрэя Кураева з Масквы.
Аднак іх меркаваньня ў кіраўніцтве Беларускай праваслаўнай царквы не падзяляюць, паведаміў Свабодзе архімандрыт Аляксей (Шынкевіч):
«Я лічу, што гэта памылка першага нацыянальнага канала. На жаль, гэты сюжэт, які быў зроблены журналістам Андрэем Крывашэевым, ня вельмі прыемна, нават з абурэньнем успрынялі біскупы, які ў гэты вечар глядзелі тэлебачаньне. Многія зь іх мне так і сказалі, што гэта палітычны паклёп, які закрануў нават інтарэсы той вялікай падзеі, якая адбывалася ў гэтыя дні, а менавіта — візыт патрыярха. Гэта па-першае, а па-другое — я спасылаюся перадусім на асновы сацыяльнай канцэпцыі Расейскай праваслаўнай царквы.
Ёсьць пяты разьдзел, які называецца «Царква і палітыка». І ў ім вельмі добра сказана, як царква ставіцца да хрысьціянскіх партый і рухаў. Там напісана, што ня толькі станоўча, але заклікае вернікаў падтрымліваць гэтыя партыі і рухі.А ў гэтым матэрыяле пададзена, што праваслаўная царква супраць гэтых рухаў.
Упершыню, калі да мяне зьвярнуліся зь першага нацыянальнага канала па камэнтар, я спытаў: у якім кірунку вы хочаце, каб мы пракамэнтавалі? Калі ў адмоўным, то мы нічога казаць ня будзем, а ў станоўчым для вас гэта не патрэбна і вас гэта не цікавіць. Таму яны пайшлі іншым шляхам, падманным — так і трэба казаць. Яны зьвярнуліся да супрацоўніка эпархіяльнага ўпраўленьня і да дыякана Андрэя Кураева і зманціравалі. Сёньня гэта лёгка можна зрабіць. Гэта проста фальшыўка, накіраваная ня толькі супраць Беларускай хрысьціянскай дэмакратыі, але і супраць праваслаўнай царквы. Гэта ня робіць пашаны першаму нацыянальнаму каналу».
-
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванне сына
-
Міністр Маркаў заявіў, што трэба змагацца з тымі, хто кажа пра ўшчамленне рускай ці беларускай мовы
-
Што ў рэальнасці адбылося пад Смалявічамі? Вось самая лагічная прычына налёту ашалелых расійскіх малалетак
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванне сына8
Каментары