У Іране памёр «самы брудны чалавек у свеце», памыўшыся першы раз за 60 гадоў
У Іране памёр самотнік Аму Хаджы, які не мыўся больш за 60 гадоў і курыў люльку, набітую экскрэментамі жывёл. Чалавек, якога называлі «самым брудным чалавекам у свеце», памёр у вёсцы Дэйга ў паўднёвай правінцыі Фарс. Яму было 94 гады, паведамляе The Guardian са спасылкай на іранскае дзяржаўнае інфармагенцтва IRNA. Некалькі месяцаў таму аднавяскоўцы Аму Хаджы ўгаварылі яго памыцца ўпершыню за доўгі час.
У 2014 годзе Аму Хаджы расказаў журналістам выдання Tehran Times, што перажыў «эмацыйныя няўдачы ў маладосці», праз што адмовіўся мыцца. Мужчына жыў у шлакаблочнай халупе і не мыўся з вадой і мылам больш за 60 гадоў.
Хаджы еў збітых на дарозе жывёл, піў нясвежую ваду, курыў люльку, напоўненую экскрэментамі, і лічыў, што мыццё зробіць яго хворым.
На фотаздымках бачна, што цела Аму Хаджы было пакрыта сажай.
У мужчыны не было сям'і, але аднавяскоўцы імкнуліся клапаціцца пра яго. Некалькі месяцаў таму яны ўгаварылі Аму ўпершыню за 60 гадоў памыцца, а 23 кастрычніка мужчына памёр.
Пасля смерці Хаджы неафіцыйным «рэкардмэнам» у ягонай намінацыі можа стаць Кайлаш «Калаў» Сінгх з Індыі, які таксама не мыўся больш за 30 гадоў.
Цяпер чытаюць
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч1919
Каментары