Расійскія ўлады затрымалі чалавека, які, як мяркуецца, вінаваты ў пажары, што ўначы адбыўся ў клубе «Палігон» у Кастраме. У выніку пажару загінулі 15 чалавек. А меркаваны вінаваты ў ім, 23-гадовы Станіслаў Іонкін, у жніўні вярнуўся з вайны ва Украіне, даведалася выданне Baza.
Паводле Baza, Іонкін з іншымі вайскоўцамі падчас знаходжання на фронце вёз боепрыпасы, калі пачаўся абстрэл. Яго выкінула з машыны і ён зламаў нагу. Пасля гэтага Іонкіна адправілі ў шпіталь у Астраханскай вобласці, а затым ён вярнуўся на радзіму ў Кастрамскую вобласць.
Доўгі час Іонкін знаходзіўся на бальнічным і ў пачатку лістапада адправіўся зноў у вайсковую часць для праходжання медкамісіі. Учора ўвечары ён стэлефанаваўся са сваякамі і сказаў, што ў яго ўсё добра. А пасля размовы з імі адправіўся ў начны клуб «Палігон», дзе ўступіў у бойку і зладзіў феерверк з сігнальнай ракетніцы, які прывёў да пажару і смерці 15 чалавек.
Клуб «Палігон» быў, дарэчы, звязаны з уладамі. Мясцовыя СМІ паведамляюць, што яго ўладальнікам з'яўляецца дэпутат абласной Думы ад «Адзінай Расіі», ураджэнец Азербайджана Іхтыяр Ілдыр-аглы Мірзоеў.
Цяпер чытаюць
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў54
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара1717
Каментары