На фоне ўзрослай напружанасці з-за падзення ракеты ў Польшчы з заклікам захоўваць спакой выступіў Кітай, піша Delfi.
«У сітуацыі, якая склалася, усе бакі павінны захоўваць спакой і праяўляць стрыманасць, каб не дапусціць эскалацыі сітуацыі», — заявіла журналістам на брыфінгу прадстаўніца кітайскага МЗС Маа Нін.
З падобнымі заклікамі раней выступілі і іншыя краіны, што ўваходзяць у Раду Бяспекі ААН. У прыватнасці, Францыя заклікала «вельмі асцярожна» рабіць высновы аб паходжанні ракеты.
Прэзідэнт ЗША Джо Байдэн назваў малаверагоднай версію пра тое, што ракета была выпушчаная расійскімі войскамі. Лондан ніякіх афіцыйных заяў пакуль не рабіў, але ў канцылярыі прэм'ера Рышы Сунака далі зразумець, што згодныя з Вашынгтонам.
Сваю пазіцыю наконт трагічнага інцыдэнту ў Польшчы выказалі і некаторыя іншыя краіны. У прыватнасці, прэзідэнт Эстоніі Алар Карыс сказаў Бі-бі-сі, што ў Таліне тое, што адбылося, лічыць «адзінкавым выпадкам», але вайну ў любым выпадку неабходна спыніць як мага хутчэй.
Міністр замежных спраў Фінляндыі Пека Хаавіста падкрэсліў, што неабходна спачатку дапамагчы Польшчы ў расследаванні, высветліць усе магчымыя падрабязнасці інцыдэнту, а ўжо потым «дзейнічаць адпаведным чынам».
-
«Мануэла Лукашэнка». У Германіі кіраўніцу рэгіёна абразілі параўнаннем з беларускім дыктатарам
-
ЗША выпадкова дэпартавалі мексіканца, якога падазраюць у найбуйнейшым рабаванні каштоўнасцей у гісторыі краіны
-
У «Доме вольнай Беларусі» ў Львове ўшанавалі памяць Міхаіла Жызнеўскага. Там цяпер захоўваецца і помнік герою
Цяпер чытаюць
Зяленскі ў Вільні: Пакуль шпіц Лукашэнкі мае больш правоў, чым народ Беларусі22
Каментары