Адмена абмежаванняў гандлёвых надбавак на большасць тавараў, прадугледжаная пастановай Мінэканомікі Беларусі нумар 141, не павінна выклікаць усплёск цэн.
Пра гэта заявіў 9 кастрычніка на прэс‑канферэнцыі намеснік міністра гандлю Вячаслаў Драгун.
«Кантроль за цэнамі будзе захаваны. Ёсць у нас антыманапольны орган, цэны можна паставіць на месца», — сказаў Вячаслаў Драгун. Ён адзначыў, што ўсплёск цэн звычайна мае сезонны характар. Напрыклад, тавары даражэюць напярэдадні Новага года. «Цэнавая палітыка — гэта перш за ўсё канкурэнтная палітыка. Усякі раз задаюць пытанне аб зніжках, з чаго яны фарміруюцца. Скідкі фарміруюцца менавіта ў выніку таго, што цэны свабодныя», — падкрэсліў намеснік міністра.
У сваю чаргу старшыня Рэспубліканскай канфедэрацыі прадпрымальніцтва Віктар Маргелаў адзначыў, што пасля ўступлення ў сілу пастановы нумар 141 у Беларусі, хутчэй за ўсё, будзе назірацца пераразмеркаванне цэн.
«Дзесьці і ў больш нізкі бок, але часцей трэба чакаць павышэння, — лічыць ён.— Людзі павінны адчуць самі, як цана ўплывае на попыт тавару. Не перажывайце, я думаю, глабальных узрушэнняў Беларусь не чакае. Але мы будзем жыць у прынцыпова іншай сітуацыі, у якой кошт тавару будзе вызначаны рыначным попытам. Гэта вялікая карысць для ўсіх».
Як адзначыў дырэктар дэпартамента па прадпрымальніцтве Мінэканомікі Аляксандр Ліхачэўскі, прыняцце пастановы нумар 141 — гэта крок наперад. Ён лічыць, што, не патрабуючы, не падводзячы бізнес да рыначных механізмаў рэгулявання цэн, будзе цяжка рухацца далей.
Што датычыцца спісу ў 50 пазіцый тавараў, абмежаванне гандлёвых надбавак на якія плануецца захаваць, Віктар Маргелаў адзначыў, што, магчыма, гэты пералік вельмі вялікі, магчыма, агуркі і памідоры ў яго ўключаць не трэба было — у любым выпадку трэба з нечага пачынаць.
Цяпер чытаюць
Сталі вядомыя падрабязнасці пра трагедыю ў Полацкім манастыры18
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары