Спорт33

Сенсацыя: Саудаўская Аравія перамагла Аргенціну 

У двубоі аргенцінцаў і саудаўцаў адназначным фаварытам лічылася зборная з Паўднёвай Амерыкі. Але ж арабы здолелі здзівіць футбольны свет.

Фота: АР

Матч паміж Саудаўскай Аравіяй і Аргенцінай адкрываў праграму 22 лістапада. Сярод удзельнікаў гульні адназначным фаварытам называлі Аргенціну, бо і сама гэтая каманда — безумоўны прэтэндэнт на Кубак ЧС, а не толькі на тры ачкі ў змаганні з арабамі. Да таго ж, бяспройгрышная серыя аргенцінцаў перад сённяшняй гульнёй складала ажно 36 матчаў, і чаму б не працягнуць яе?

Здаецца, усё ішло па плане. Лік адкрылі аргенцінцы: на 10-й хвіліне Ліянэль Месі паспяхова рэалізаваў пенальці як пакаранне за фол у штрафной на Леандра Парэдэса. Гэты гол стаў сёмым для Ліянэля на чэмпіянатах свету, што дазволіла яму параўнацца па гэтым паказчыку з адвечным супернікам Крышціяну Раналду. Таксама Месі — першы гулец, які забіў за Аргенціну на чатырох розных чэмпіянатах свету (акрамя цяперашняга, у багажы форварда ёсць галы Сербіі і Чарнагорыі, Ірана, Нігерыі, Босніі і Герцагавіны), а з Саудаўскай Аравіяй яго звязвае яшчэ і тое, што Ліянэль — пасол турызму гэтай краіны.

Але вернемся на поле ў Катары. Статыстыка дэманструе, што перавагу падчас гульні збольшага мелі аргенцінцы: напрыклад, яны больш валодалі мячом (69% супраць 31% у саудаўцаў). Арабы, у сваю чаргу, вылучыліся колькасцю фалоў — 21 супраць 9 у паўднёваамерыканцаў.

За 35 хвілін першага тайма ажно тры галы аргенцінцаў былі адмененыя праз афсайд, таму да другой паловы гульні яны падышлі не ў лепшым псіхалагічным стане. Пасля перапынку парад афсайдаў з іх боку прадоўжыўся, а вось саудаўцы нарэшце здолелі рэалізаваць свае шансы. На 48-й хвіліне Салех Аль-Шэхры аднавіў раўнавагу, а на 53-й Салем Аль-Досары вывеў сваю каманду наперад. Замены ў аргенцінцаў і восем хвілін дададзенага да другога тайма часу не дапамаглі: вынік гульні — 2:1 на карысць Саудаўскай Аравіі і смачная аплявуха Аргенціне і Месі, для якога цяперашні чэмпіянат свету напэўна будзе апошнім. Адзначым, што за ўсю гульню саудаўцы нанеслі толькі два ўдары ў створ аргенцінцаў — і гэтага хапіла для першай сенсацыі турніру.

Цікава, што сярод тых, хто назіраў за гэтай сенсацыяй, была беларускай тэнісістка Вікторыя Азаранка. У твітары яна апублікавала фота са стадыёна і адзначыла, што пабачыць гульню Месі за Аргенціну было яе жыццёвай марай.

Чытайце таксама:

Топ-11 самых гарачых футбалістаў чэмпіянату свету (+ лаўка запасных і трэнер)

На чэмпіянаце свету па футболе англічане разграмілі іранцаў 6:2. Але матч запомніцца не лікам

Стаў вядомы лёс забароненага да продажу піва на ЧС па футболе

Каментары3

  • BLR
    22.11.2022
    Суперніка варта паважаць да пачатку гульні. Месі і кумпанія гэтага не зрабілі
  • Цэ pi...
    22.11.2022
    Аргентына здула - гэта пачатак канца, апакаліпсіс наперадзе
  • Белачупакабра
    22.11.2022
    Гэта "сенсацыя" толькі для тых, хто не ведаю, колькі бабла ў Саўдытаў
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Сенатар Грэм анансаваў рэкордныя пастаўкі зброі Украіне пасля заўтрашняй заявы Трампа7

Сенатар Грэм анансаваў рэкордныя пастаўкі зброі Украіне пасля заўтрашняй заявы Трампа

Усе навіны →
Усе навіны

У Беларусі восем немаўлят да года наведваюць дзіцячы сад1

Як глабальная змена клімату адаб’ецца на Беларусі? Не зусім так, як мы ўяўляем12

Мінчанка расказала, дзе пазнаёміцца з перспектыўнымі хлопцамі ў сталіцы14

Ціханоўскі насмажыў катлет на фестывалі «Тутака»44

Наколькі дакладна можна прадказаць надвор'е на месяц? І чаму дагэтуль не папярэджваюць пра тарнада за дзень?5

З'явіцца новая дзяржава — Новая Каледонія3

Заробак 73 рублі? На заводзе патлумачылі, адкуль у іх такія вакансіі

Француз пераехаў з Ніцы ў Мінск і адкрыў пякарню12

У Мінску купілі дом за 3 мільёны даляраў. Ён у тым раёне, дзе жыве Эйсмант1

больш чытаных навін
больш лайканых навін

Сенатар Грэм анансаваў рэкордныя пастаўкі зброі Украіне пасля заўтрашняй заявы Трампа7

Сенатар Грэм анансаваў рэкордныя пастаўкі зброі Украіне пасля заўтрашняй заявы Трампа

Галоўнае
Усе навіны →

Заўвага:

 

 

 

 

Закрыць Паведаміць