Прарыў у лячэнні хваробы Альцгеймера: новы прэпарат запавольвае развіццё сімптомаў, але можа быць небяспечным
Мільёны пацыентаў з хваробай Альцгеймера атрымалі надзею на выздараўленне. Усё дзякуючы новаму леку, які, калі глядзець на вынікі выпрабаванняў, упершыню даў магчымасць запаволіць развіццё хваробы.
Новы прэпарат мае назву леканемаб і ўводзіцца ўнутрывенна раз на два тыдні. Згодна з вынікамі выпрабаванняў, гэты лек за 18 месяцаў прымянення запаволіў развіццё зніжэння памяці на 27%, піша The Times.
Леканемаб выпраўляе паталагічныя змены ў мозгу, бо ён знаходзіць і выдаляе з яго таксічны бялок амілоід. Ён назапашваецца ў людзей з хваробай Альцгеймера і цесна звязаны з яе развіццём.
Даследаванне, якое ўжо называюць паваротным і гістарычным, прадставілі ў панядзелак на вялікай канферэнцыі вядучых навукоўцаў свету ў Сан-Францыска. Эксперты лічаць яго вынікі адным з найвялікшых прарываў апошняга часу, які азначае «пачатак канца» хваробы Альцгеймера і ўсяляе сапраўдны аптымізм у дачыненні да таго, што з дэменцыяй можна змагацца, а з часам можна будзе і перамагаць.
Леканемаб запавольвае развіццё хваробы, а не спыняе яе, але ўсё адно гэта першы ў гісторыі прэпарат, які дае магчымасць неяк запаволіць пагаршэнне кагнітыўных здольнасцей пры дэменцыі. Навукоўцы кажуць, што вынаходніцтва яго адкрывае шлях да новых этапаў у лячэнні хваробы Альцгеймера, якія ў выніку прывядуць да здольнасці цалкам яе вылечваць.
Хутка прэпарат могуць ухваліць для выкарыстання ў клініках, і ён можа з’явіцца на заходніх рынках ужо ў наступным годзе. Іншая рэч, леканемаб мае і сур'ёзныя пабочныя эфекты. У 20% удзельнікаў выпрабаванняў на КТ мозгу былі відаць прыкметы ацёку мозгу і мікраскапічныя кровазліцці. Медыя паведамляюць пра дзве смерці пацыентаў, што бралі ўдзел у выпрабаваннях, таму пакуль канчаткова невядома, наколькі прэпарат бяспечны.
Чытайце таксама:
Сняцца кашмары па начах? Гэта можа быць ранняй прыкметай дэменцыі
Што паглядзець. «Апошнія дні Пталемея Грэя» — як аддаць усё за месяц звычайнага жыцця
Штучны інтэлект можа быць здольны дыягнаставаць дэменцыю за адзін дзень
-
«А чаму вы прыехалі? Думалі, нараджаць не балюча?» Беларуска расказала дзікую гісторыю пра свае роды
-
З цэнтра горада прыбралі дызельныя аўтамабілі. Праз некалькі гадоў у дзяцей сталі здаравейшыя лёгкія
-
Стэрыльнае асяроддзе сапраўды выклікае ў дзяцей алергіі. Цяпер навукоўцы высветлілі, што дзяцей ад алергіі абараняе
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары