Пра гібель ва Украіне яшчэ аднаго беларуса паведаміў тэлеканал «Белсат». Паводле яго звестак, загінулага завуць Аляксей, а ягоны пазыўны — «Якуб».
Скрыншот з відэа
Беларус, як паведамляецца, служыў у брыгадзе, якая знаходзілася на Бахмуцкім накірунку, дзе працяглы час ідуць цяжкія баі.
Паводле інфармацыі «Нашай Нівы» са сваіх крыніц, «Якуб», хоць паходзіў з Беларусі, не ўваходзіў у склад уласна беларускіх фарміраванняў і служыў па кантракце ва Узброеных сілах Украіны ужо працяглы час, як мінімум з 2015 года. Раней ваяваў у складзе тактычнай групы «Беларусь».
У баях за Украіну супраць расійскіх акупантаў загінула ўжо больш за паўтара дзясятка беларусаў, якія служылі ў розных падраздзяленнях.
Цяпер чытаюць
Зорка брэйкдансу з Віцебска атрымаў 11 гадоў турмы ў Кітаі. Што здарылася?10
Каментары