У Беларусі будуць дзейнічаць 1144 гандлёвыя пункты для продажу навагодніх ялінак, расказаў першы намеснік міністра лясной гаспадаркі Аляксандр Драгун. Пра гэта паведамляе агенцтва «Мінск-Навіны».
Фота ілюстрацыйнае
«У лясніцтвах ялінку вышынёй да метра можна набыць ад 8 рублёў, да 2 метраў — ад 10 рублёў. На ялінкавых кірмашах кошт будзе крыху вышэйшы за кошт выдаткаў на лагістыку і будзе залежаць ад ўпакоўкі», — адзначыў чыноўнік.
Гандляваць будуць ялінкамі, соснамі, у тым ліку ў кадках, і нават навагоднімі букетамі.
Масава ялінкавыя кірмашы адкрыюцца пасля 22 снежня, але ўжо цяпер можна набыць дрэва ў кадцы — напрыклад, у Рэспубліканскім лясным селекцыйна-насенняводчым цэнтры. У залежнасці ад памеру елкі цэны будуць пачынацца ад 20 рублёў.
Чытайце таксама:
Колькі каштуе арэнда ялінак? Паглядзелі прапановы і расцэнкі
Глядзіце, якія «дызайнерскія» елкі паставілі ў гродзенскім парку
Цяпер чытаюць
Хто прадаў кватэру ў «Маяку Мінска» зніклай Мельнікавай? Такога чалавека не існуе14
Каментары