Міністр абароны Расіі Сяргей Шайгу «асабіста праінспектаваў групоўку расійскіх войскаў у зоне правядзення спецаперацыі», паведамілі расійскія дзяржаўныя інфармагенцтвы ў ноч на нядзелю.
Паводле прэс-рэліза Мінабароны, Шайгу «здзейсніў аблёт раёнаў дыслакацыі войскаў і праверыў перадавыя пазіцыі расійскіх падраздзяленняў», пагутарыў з расійскімі вайскоўцамі, заслухаў даклады камандуючых пра бягучую абстаноўку і дзеянні расійскіх войскаў на аперацыйных кірунках.
Інфармацыя пра паездку міністра на перадавую з'явілася роўна праз суткі пасля паведамлення Крамля пра візіт расійскага прэзідэнта ў штаб, што каардынуе дзеянні расійскіх вайскоўцаў ва Украіне.
Крэмль паведамляў, што Пуцін у пятніцу правёў у штабе ўвесь дзень. На кадрах, распаўсюджаных Крамлём, Сяргей Шайгу таксама суправаджаў Пуціна. Па версіі ўкраінскіх вайскоўцаў, якая супадае з меркаваннем амерыканскіх экспертаў, Расія можа пачаць новы наступ ва Украіне ўжо гэтай зімой.
Цяпер чытаюць
Што за Дзмітрый Скіндзераў, які абвясціў вайну Ціханоўскай? Супрацоўніцтва з ГУБАЗіКам, даўгі ў Беларусі, даўгі ў Літве41
Каментары