Міністр эканомікі Германіі Роберт Хабек заявіў, што было б правільна абмеркаваць з саюзнікамі пытанне пастаўкі танкаў Украіне і па выніках гэтых абмеркаванняў прыняць рашэнне.
Раней кіраўнік абароннага камітэта нямецкага Бундэстага Мары-Агнес Штрак-Цымерман у інтэрв'ю газеце Süddeutsche Zeitung заклікала ўрад перагледзець сваю пазіцыю адносна паставак Украіне танкаў.
У якасці прыкладу Штрак-Цымерман указала на пастанову Францыі адправіць ва Украіну танкі AMX-10 RC, абсталяваныя гарматай калібрам 105 мм.
«Нашы заходнія партнёры зноў першымі робяць крок, якога яны маглі чакаць ад нас», — заявіла кіраўнік абароннага камітэта Бундэстага.
Яна прапанавала пачаць пастаўкі Кіеву баявых машын пяхоты «Мардар» і неадкладна арганізаваць навучанне іх эксплуатацыі.
Мары-Агнес Штрак-Цымерман адзначыла, што «Мардары» ёсць у дастатковай колькасці на складах Бундэсвера, таксама як і боепрыпасы да іх.
Украінскія ўлады неаднаразова выказвалі сваю незадаволенасць нежаданнем краін Захаду пастаўляць украінскім Узброеным сілам танкі, якія з'яўляюцца наступальным відам узбраенняў.
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць12
Каментары
Пусть просто отменят/изменят закон, согласно которому третьи страны не могут продавать/передавать танки, произведённые в Германии без согласия на то Германии.
Даже этого уже будет достаточно!
Фины уже заявили про свою готовность к передаче Леопардов.