У Баранавічах ствараюць ледзяное мястэчка, а для Лукашэнкі зрабілі сані
Берасцейскае абласное начальства напружана рыхтуецца да абласнога фестывалю-кірмашу «Берасцейскія сані — 2023», які пройдзе ў Баранавічах 13-15 студзеня. У яго рамках рэалізуюцца розныя ідэі, каб і людзей здзівіць, і вярхоўную ўладу задаволіць.
У тэлеграм-канале Брэсцкага аблвыканкама пазначана, што ледзяное мястэчка разгорнуць на пляцоўцы ААТ «Брэсцкі мясакамбінат», канкрэтнае месца не называецца.
Такое мястэчка рабілася на абласным фестывалі-кірмашы «Берасцейскія сані» і летась, але гэтым разам абяцаюць куды большы маштаб. Так, для ледзянога гарадка ў Баранавічах будзе выкарыстана ў два разы больш лёду (дзве фуры), а над экспазіцыяй працуе ў два разы больш людзей, чым у мінулым годзе.
Адзначаецца таксама, што ў Баранавічах гараджан і гасцей чакае «больш экспанатаў і больш сюрпрызаў».
А вось пінскія ўмельцы ўжо свой «сюрпрыз» зрабілі, пасадзіўшы ў «Берасцейскія сані» самога Лукашэнку. У абласнога начальства ў канцы лістапада ўзнікла ідэя, як можна залагодзіць свайго мінскага патрона, і таму замовілі прадпрыемству «Стэнлес» з Пінска вырабіць для яго сані. Тыя з замовай справіліся, але паколькі снег растаў, то самі нават не паспелі свой твор абкатаць.
Каментары