Падчас усебеларускага перапісу лепшы штангіст свету расказаў, што вучыўся ў беларускамоўным класе і «вельмі някепска» ставіцца да пераходу беларусаў на родную мову.
Падчас усебеларускага перапісу лепшы штангіст свету расказаў, што вучыўся ў беларускамоўным класе і «вельмі някепска» ставіцца да пераходу беларусаў на родную мову.
Праз месяц алімпійскі чэмпіён Андрэй Арамнаў выступіць на чэмпіянаце свету ў Карэі. Зараз штангіст займаецца ў цэнтры алімпійскай падрыхтоўкі «Стайкі», а пасля трэніровак разважае на філасофскія тэмы.
Падчас перапісу Андрэй Арамнаў задумаўся і пра моўную праблему ў нашай краіне. Пытаемся ў чэмпіёна, як ён ставіцца да беларускай мовы.
Андрэй Арамнаў: «Вельмі някепска. У прынцыпе я навучаўся да сёмага класа ў беларускай школе па‑беларуску. Не буду хлусіць, што я дасканала ведаю беларускую мову, але разумець я разумею ўсё цалкам».
Але ідэю правядзення імклівай беларусізацыі Арамнаў не падтрымлівае. На думку найлепшага штангіста свету ў моўным пытанні павінна быць поўная дэмакратыя.
Андрэй Арамнаў: «Я думаю, што гэта павінна застацца на добраахвотнай аснове. Тым больш, што ў нас расейская мова мяшаная. Вельмі шмат беларускіх словаў у нашай расейскай мове. Таму нармальна стаўлюся да беларускай мовы. Галоўнае, каб было зручна, і ўсе адно аднаго разумелі».
Сам Андрэй Арамнаў хоць і пазначыў родную мову беларускай, але размаўляе па‑расейску, са смачнымі ўкрапленнямі беларускіх словаў.
Каментары