72-гадоваму жыхару Слоніма ўзмацнілі пакаранне і адправілі на «хімію» за рэпост
10 лістапада ў судзе Слонімскага раёна асудзілі 72-гадовага мясцовага жыхара і актывіста Барыса Кучынскага — тры гады «хатняй хіміі». Дзяржабвінавачванне тады настойвала на калоніі, паведамляе «Вясна».
Барыса Кучынскага абвінавацілі адразу па двух артыкулах Крымінальнага кодэкса: «Абраза прадстаўніка ўлады» (арт. 369 КК) і «Незаконныя дзеянні ў дачыненні да інфармацыі аб прыватным жыцці і персанальных даных» (заўв. 1 ч. 3 арт. 203 КК). Усё гэта — за адзін рэпост у «Аднакласніках» допісу пра ўчастковага інспектара міліцыі АУС Ваўкавыска Віктара Лутчанку.
Стала вядома, што пракуратура падала апеляцыйную скаргу на прысуд і Гарадзенскі абласны суд прысудзіў Кучынскаму больш строгае пакаранне — два гады абмежавання волі з накіраваннем у папраўчую ўстанову.
Цяпер Кучынскі абскарджвае гэты прысуд у Вярхоўным Судзе.
Цяпер чытаюць
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?18
Каментары