Беларусбанк уводзіць дадатковыя абмежаванні па некаторых аперацыях з плацежнымі картамі. Яны запрацуюць з 2 лютага.
Банк раней увёў абмежаванне на грашовыя пераводы ў 400 рублёў у суткі па картках «Аксаміт» і 3000 рублёў па іншых дэбетавых картках. «З 2 лютага гэтае абмежаванне будзе дзейнічаць і пры пераводах паміж карткамі банка аднаго кліента, а таксама на карткі банка «любімых» асабістых нумароў. Гэтае абмежаванне кліент-уладальнік рахунку можа адмяніць, патэлефанаваўшы ў кантакт-цэнтр па нумары 147 альбо напісаўшы пісьмовую заяву ва ўстанове банка».
Таксама з 2 лютага банк адкарэктуе абмежаванні па пераводах грошай па кодзе ў банкаматах (перавод «Хуткі»). «Цяпер мінімальная аднаразовая сума пераводу павінна складаць 10 рублёў, максімальная — 100 рублёў. Акрамя таго, з выкарыстаннем адной карткі ў дзень (24 гадзіны) можна правесці не больш за дзве аперацыі на суму не больш за 200 рублёў», — папярэджвае банк.
На працягу чатырох дзён (96 гадзін) максімальная колькасць аперацый з выкарыстаннем адной карткі не павінна перавышаць шасці на суму да 600 рублёў, а яшчэ за 30 дзён (720 гадзін) па адной карце можна здзейсніць максімальна 15 аперацый (пераводаў на суму да 1500 рублёў).
«Гэтыя меры банк уводзіць для абароны кліентаў і мінімізацыі выпадкаў крадзяжу грашовых сродкаў з рахункаў трымальнікаў плацежных картак шляхам атрымання ашуканцамі ад кліентаў інфармацыі для ўваходу ў сістэмы дыстанцыйнага банкаўскага абслугоўвання», — тлумачаць у банку.
Дзяніс Мельянцоў і яго рэалпалітык: ён сапраўды памяняў погляды ці проста раней маскіраваўся?47
Каментары