Мова

Шэсць атмасферных беларускіх акаўнтаў у інстаграме

Мы ўжо расказвалі пра цікавыя беларускія старонкі ў тыктоку і ютубе. Сёння прапануем вашай увазе спіс незвычайных акаўнтаў ад яркіх беларусаў у інстаграме: тут і мілыя лялькі, і таямнічыя нячысцікі, і дыялектныя слоўцы.

Фота: Instagram / haniamade, poshtabel

Інтэр’еры беларускіх хат / belarus_traditional_interior

Гэтаму фотапраекту пра хаты з усёй Беларусі, якія не крануў еўрарамонт, спаўняецца пяць гадоў. Разам з убраннем хат тут дэманструюць іх гаспадынь, а таксама расказваюць невялічкія гісторыі пра вёскі, дзе зробленыя фота.

Напрыклад, вас пазнаёмяць з жыхаркамі вёскі Данілевічы, што блізка да Лельчыцаў, дзе жывуць беларускія шаптухі, або з палескай вёскай Чэрніцы недалёка ад меркаванага месца пахавання Кірылы Тураўскага. Усе гэтыя хаткі, бабулі, лавы ды гарбузы знятыя з вялікай пяшчотай.

Беларускія нячысцікі / Belarusian_Monsters

Беларуская дэманалогія, міфалогія і фальклор у інтэрпрэтацыі гарадзенскага ілюстратара. На гэтай старонцы партрэты нячысцікаў суправаджаюцца іх гісторыямі.

Тут не толькі Пярун ды Сварог, якіх вы можаце памятаць са школы, але і мноства чарцей, духаў, карлікаў і дэманаў з глыбіні беларускай культуры.

Hanna Zabrocka / haniamade

Гэты натхняльны акаўнт вядзе мастачка Ганна Заброцкая. Яна пашыла сваю першую ляльку некалькі гадоў таму, калі чакала дзіця і хацела, каб нованароджаная дзяўчынка гуляла з цацкай, створанай рукамі матулі. Ператварылася гэтая задума ў багацце лялек розных колераў і фарматаў, якія Ганна цяпер выстаўляе на ўласнай старонцы.

Ганна адгукаецца на трывожныя навіны з Беларусі. Напрыклад, стварыла лялек Святланы Ціханоўскай, Марыі Калеснікавай, Вольгі Хіжынковай і Ніны Багінскай і пераслала іх самім вядомым беларускам (дзе гэта было магчыма). 

Палявая пошта / poshtabel

Кадры ў «Палявой пошце» ўнікальныя, бо гэта здымкі Беларусі першай паловы ХХ стагоддзя ў параўнанні з кадрамі тых жа мясцін сёння.

Наўрад ці вы некалі бачылі такія Ваўкавыск, Баранавічы, Магілёў, Пружаны і Баруны (і не толькі!). Сутнасць не толькі ў будынках, якія цяпер выглядаюць інакш або ўвогуле знесеныя. Сутнасць і ў атмасферы старых мястэчак і гарадкоў, якую перадаюць гэтыя здымкі.

Сябрую з беларускай мовай / siabryclub

Старонка адной з беларускіх супольнасцей ЗША будзе цікавая і тым беларусам, хто не мае да Амерыкі ніякага дачынення. Усё праз тое, што аўтары яе актыўна публікуюць беларускую паэзію і дадаюць да яе прыгожыя фотаздымкі — задавальненне і для душы, і для вачэй.

Калі-нікалі, аднак, аўтараў старонкі цікавіць і проза: так, яны друкавалі цытаты з аўтабіяграфіі мовазнаўцы Пятра Садоўскага, а часам і проста прыказкі і народныя мудрасці. Карацей, тое, што трэба, калі хочаце трошкі самаадукацыі ў вольную хвілінку.

Беларуская мова. Этнаграфія / bielaruskija_havorki

Беларуская мова на провадзе, кажуць стваральнікі гэтай старонкі. Трапныя слоўцы з беларускіх гаворак яны разбаўляюць беларускімі вершамі.

Не пужайцеся, гэта зусім не нудны школьны слоўнік, а хутчэй магчымасць у неназойлівай форме пазнаёміцца з лексікай, якую вы наўрад ці яшчэ б недзе сустрэлі. Забягач, боўдзіла, дзюдзік, дрывотня — свет найбагацейшай мовы.

«Наша Нiва» — бастыён беларушчыны

ПАДТРЫМАЦЬ

Дзевяць мабільных праграм, якія павялічаць колькасць беларускамоўнага кантэнту ў вашым жыцці

Шэсць беларускамоўных тыктокаў, пра якія вы маглі не ведаць

Як перавесці сацсеткі і месенджары на беларускую мову

Каментары

Частка іранскіх ракет ізноў прабіла «Жалезны шчыт» Ізраіля, падалі на жылыя дамы1

Частка іранскіх ракет ізноў прабіла «Жалезны шчыт» Ізраіля, падалі на жылыя дамы

Усе навіны →
Усе навіны

«Да гэтага часу не веру, што выжыў». Расповед адзінага выжылага ў катастрофе самалёта Air India, які разбіўся ў Ахмедабадзе

Хлопца, які ў Лебедзевай бэсціў Еўропу, асудзілі за ўдзел у пратэстах і ўхіленне ад войска6

Лукашэнка запатрабаваў ад вайскоўцаў вынайсці цуд-машыну для барацьбы з дронамі9

Расіяне запусцілі ў Беларусі дзіўны месенджар — рэгістрацыя па нумары тэлефона, а вось выдаліцца можна толькі калі дазволяць34

Джон Кенэдзі і Роберт Кенэдзі згуляюць на клубным чэмпіянаце свету па футболе ў ЗША. Прычым у адной камандзе

Палавое выспяванне робіцца ўсё больш раннім, а псіхалагічная даросласць — позняй. І гэта праблема4

Дзіцячы цэнтр, які адмовіў дзяўчыне ў працаўладкаванні за беларускую мову, улады праверылі і знайшлі парушэнні2

У Ізраілі 1 загінуў, 40 параненых ад іранскай балістыкі. Пачалася трэцяя хваля ўдараў па Іране11

«Гэты фэст не толькі для кайфу». Арганізатары фестывалю Tutaka расказалі пра сёлетнія планы і перспектывы10

больш чытаных навін
больш лайканых навін

Частка іранскіх ракет ізноў прабіла «Жалезны шчыт» Ізраіля, падалі на жылыя дамы1

Частка іранскіх ракет ізноў прабіла «Жалезны шчыт» Ізраіля, падалі на жылыя дамы

Галоўнае
Усе навіны →

Заўвага:

 

 

 

 

Закрыць Паведаміць