А. Мілінкевіч: Злачынствы, у якіх абвінавацілі актывістаў «Партнэрства», могуць быць прад'яўленыя тысячам беларусаў
Лідэр беларускай апазыцыі камэнтуе прысуд у дачыненьні да М. Астрэйкі, Ц. Дранчука, А. Шалайкі і Э. Браніцкай.
Лідэр апазыцыі камэнтуе прысуд у дачыненьні да М. Астрэйкі, Ц. Дранчука, А. Шалайкі і Э. Браніцкай.
Прэс-служба лідэра аб’яднаных дэмакратычных сіл распаўсюдзіла прэс-рэліз, у якім экс-кандыдат у прэзыдэнты камэнтуе прысуд у дачыненьні да актывістаў незарэгістраванай ініцыятывы «Партнэрства». Як паведамляла «Наша Ніва», Мікола Астрэйка асуджаны на два гады пазбаўленьня волі з утрыманьнем у калёніі агульнага рэжыму, Цімох Дранчук – на адзін год калёніі агульнага рэжыму. Эніра Браніцкая і Аляксандар Шалайка – на паўгады арышту. 21 жніўня Э. Браніцкая і А. Шалайка мусяць выйсьці на свабоду.
«У сьвядомасьці людзей гэты прысуд застанецца як палітычная расправа над тымі, хто жадаў адкрыта і законна назіраць за выбарамі. Судовы працэс над актывістамі грамадзкай ініцыятывы «Партнэрства» быў задуманы з мэтай застрашыць тых, хто абараняў сваё права глядзець на рукі ўлады», – зазначае А. Мілінкевіч.
Злачынствы, у якіх абвінавачваюць маладых людзей, могуць быць прад’яўлены тысячам людзей па ўсёй Беларусі, якія праяўляюць грамадзянскую актыўнасьць і жадаюць пераменаў.
Лідэр дэмапазыцыі зазначае, што судовы працэс над «Партнэрствам» – сьведчаньне «самаўпраўства адміністрацыйна-каманднага права і непадкантрольнасці ўлады. Я схіляюся перад мужнасьцю гэтых людзей і іх сваякоў, якія нягледзячы на жорсткі прэсінг улады, адстойваюць сваю пазыцыю, сваё права жыць па сумленьні і закону».
Наша Ніва
Цяпер чытаюць
Мацкевіч: Ціханоўскую зняць, замяніць, пераабраць нельга. Не мучайцеся. Нельга — і ўсё45
Каментары