Лукашэнка пра вайну ва Украіне: Калі нехта думае, што адседзімся, то так не будзе
Аляксандр Лукашэнка на сустрэчы з генеральным сакратаром Арганізацыі Дагавора аб калектыўнай бяспецы Імангалі Тасмагамбетавым заклікаў да большага згуртавання ў АДКБ, піша БелТА.
«Выклікаў дастаткова. Мы рызыкнулі ў сваё старшынства ў праграму запісаць — паспрабаваць вырашыць вось гэтыя праблемы, якія ў нас існуюць. Асабліва на межах дзяржаў — членаў АДКБ. Я нездарма кажу аб вашым вопыце. Памяць у вас выдатная. Вы добра ведаеце і Каўказ, і Цэнтральную Азію. Там у нас праблемы. Давайце паспрабуем іх вырашыць і, наколькі магчыма, з'яднаць Арганізацыю Дагавора аб калектыўнай бяспецы ў гэтыя няпростыя часы. Вы бачыце, што адбываецца па перыметры», — сказаў Лукашэнка.
Ён падкрэсліў, што ўсім членам АДКБ неабходна згуртавацца і дзейнічаць разам, таму што так заўсёды прасцей і лягчэй.
«Калі хтосьці думае, што канфлікт Украіны і Расіі — гэта не наш канфлікт, што ціхенька дзесьці адседзімся, то нічога падобнага, так не будзе. Прыйдзе час (ён недалёка, літаральна заўтра) — ён запатрабуе вызначацца, займаць пэўную пазіцыю.
Я не кажу, што на шкоду нацыянальным інтарэсам і гэтак далей. Але з усімі нашымі саюзнымі недахопамі нам давядзецца дакладна вызначаць сваю палітыку, сваю лінію для таго, каб дзейнічаць разам. Разам заўсёды прасцей і лягчэй», — упэўнены Лукашэнка.
Цяпер чытаюць
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою14
Каментары