Яно атрымае назву «Польскі добраахвотніцкі легіён» і будзе падпарадкавана Міністэрству абароны Украіны.
Ва Украіне пачынае фармавацца Польскі добраахвотніцкі легіён, які будзе займацца дыверсійна-разведвальнай дзейнасцю. Пра гэта 16 студзеня паведаміў найбуйнейшы польскі навінавы інтэрнэт-партал Onet.
Гэта фармаванне, па звестках партала, будзе сабой уяўляць спецпадраздзяленне, у склад якога будуць уваходзіць ветэраны польскага армейскага спецназа і звычайныя добраахвотнікі з Польшчы.
Набор байцоў будзе адбывацца ў невядомым месцы, а штаб самога падраздзялення ўжо працуе ва ўмовах сакрэтнасці.
«Спецпадраздзяленне будзе праводзіць дыверсійныя і разведвальныя місіі. Частка добраахвотнікаў ужо мае баявы досвед вайны ва Украіне і рыхтуецца да выканання баявых задач», — паведамляе Onet.
У тым ліку стала вядома, што рашэнне аб стварэнні спецатрада было прынята 16 лютага на сходзе ў Кіеве, дзе прысутнічалі некалькі польскіх добраахвотнікаў разам з невядомым грамадзянінам Польшчы (які з'яўляецца стваральнікам падраздзялення), а таксама начальнік штаба Рускага добраахвотніцкага корпуса (РДК) і неназваны прадстаўнік Мінабароны Украіны.
«Перадача ваенных білетаў польскім байцам ужо можа адбыцца на працягу аднаго-двух тыдняў. З палякамі нашмат лягчэй, чым з беларусамі ці расіянамі. Падраздзяленне не будзе ўваходзіць у склад Інтэрнацыянальнага легіёна тэрытарыяльнай абароны Украіны, у якім да гэтага часу польскія добраахвотнікі ваявалі бок о бок з добраахвотнікамі з іншых краін. Гэта спецпадраздзяленне будзе падпарадкавана непасрэдна Міністэрству абароны Украіны», — распавёў парталу неназваны прадстаўнік Мінабароны Украіны, які ўдзельнічаў у сходзе ў Кіеве.
Onet адзначае, што польскае падраздзяленне будзе падобна на добраахвотніцкія фарміраванні беларусаў і расіян, якія ўжо ваююць ва Украіне. Акрамя таго партал паведамляе, што ў найбліжэйшай будучыні можа з'явіцца такое ж спецпадраздзяленне з Германіі.
Чытайце яшчэ:
«Фартэцыя Бахмут і полк Каліноўскага на яе абароне» ФОТЫ
Брытанія вучыць украінцаў ваяваць па «заходняй мадэлі»
Расійскага наёмніка, які выступаў з чэрапам азоўца, маглі застрэліць вагнераўцы. Вялікі скандал у Расіі
Цяпер чытаюць
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск77
Каментары