Макрон: Я хачу перамогі Украіны, але супраць таго, каб Расія была раздушаная
Прэзідэнт Францыі Эманюэль Макрон у інтэрв'ю, дадзеным на борце самалёта падчас вяртання з Мюнхенскай канферэнцыі па бяспецы, расказаў пра тое, як бачыць будучыню Расіі пасля вайны.
«Я не думаю, як некаторыя, што трэба дамагчыся поўнага разгрому Расіі, атакаваць яе на ўласнай тэрыторыі. Ім хацелася б у першую чаргу разграміць Расію. Але гэта ніколі не было і ніколі не будзе пазіцыяй Францыі», — заявіў Макрон.
«Неабходна, каб украінскі наступ пахіснуў расійскі фронт і прымусіў Маскву вярнуцца за стол перамоў», — мяркуе прэзідэнт Францыі.
Пры гэтым, паводле яго слоў, у «ніводнага з бакоў не атрымаецца дамагчыся поўнай перамогі».
Акрамя таго, Макрон мяркуе, што ўсе кандыдатуры на пасаду прэзідэнта Расіі ў «рамках цяперашняй сістэмы» здаюцца яму горшымі за Уладзіміра Пуціна.
«Мы шчыра верым, што расійская грамадзянская супольнасць зробіць дэмакратычны выбар? Я вельмі гэтага хачу, але не вельмі ў гэта веру», — адзначыў французскі лідар.
У мінскім гандлёвым цэнтры Palazzo сабралася даўжэзная чарга. Па дармовых мядзведзікаў!5
Каментары
а Наполеон?