За колькі ў сярэднім прадаваліся аднушкі ў Мінску? Многія з іх скуплялі іншагароднія
Аналітыку па рынку нерухомасці апублікавала агенцтва «Твая сталіца».
У лютым было каля 1300 здзелак у Мінску па куплі-продажы кватэры. Для параўнання: у лютым мінулага года здзелак было ўсяго 1080. А рэкордны паказчык у 1400 здзелак быў зафіксаваны ў 2018 годзе.
Большасць здзелак праходзіць па механізме «ланцужка», калі чалавек купляе кватэру пасля продажу сваёй.
Сярэднія цэны па факце здзелак у сталіцы наступныя:
— на аднушку — 1230 даляраў за квадратны метр (калі гатовая да пражывання, то 1460 даляраў);
— на двушку — 1115 даляраў за метр (на гатовыя да пражывання стаўка — 1405 даляраў);
— на трошку — 1035 даляраў за метр (у выпадку з гатовай да пражывання — 1335 даляраў).
Кожны пяты пакупнік браў кватэру ў крэдыт.
Вялікая доля іншагародніх пакупнікоў — 22%.
Цяпер чытаюць
«Паша, я табе не веру». Севярынец расказаў, як выпадковая дзяўчына матывавала яго назаўсёды перайсці на беларускую мову3
Каментары