У Беразіне сілавікі затрымалі інфарктніка за тое, што ён здымаў іх. Праз гадзіну яго прывезлі ў рэанімацыю са слядамі збіцця
Праваабаронцы паведамляюць пра выпадак, які, па іх інфармацыі, адбыўся 9 сакавіка ў Беразіне. Мясцовы жыхар Уладзімір Панцюх на аўтавакзале пачаў здымаць дзеянні супрацоўнікаў ДАІ, якія правяралі маршруткі. Мужчына палічыў, што даішнікі паводзілі сябе нахабна і хамілі кіроўцам. Як толькі супрацоўнікі ўбачылі тэлефон, падбеглі, павалілі мужчыну на зямлю і павезлі яго ў аддзел.
Па інфармацыі праваабаронцаў, праз гадзіну Уладзіміра прывезлі ў рэанімацыю з сардэчным прыступам і слядамі збіцця. Цяпер мужчына знаходзіцца ў бальніцы пад канвоем.
Затрыманы мае 3 групу інваліднасці, раней перанёс 4 інфаркты і 3 аперацыі шунтавання. Нягледзячы на ўсё гэта, яго плануюць судзіць, але па якім артыкуле, пакуль невядома.
Нягледзячы на сведкаў затрымання, версія інцыдэнту ў сілавікоў іншая: нібыта Уладзімір у нецвярозым стане распачаў бойку на вакзале, за што і быў затрыманы.
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы2
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было55
Каментары