Мастак стварыў унікальныя гульні для беларусаў. У кожнай з іх — глыбокі сэнс
Мастак Аляксандр Адамаў пасля 2020-га зрабіў серыю арт-аб'ектаў, якія назваў «Не гульні». Усе яны — яго рэфлексія на падзеі ў Беларусі. Аляксандр расказаў пра тое, як гуляць у гэтыя дзіўныя гульні і што за імі стаіць.
Калі Аляксандр ствараў арт-аб'екты, ён кіраваўся тым, што не можа выстаўляцца ў Беларусі.
Існуе шмат канцэпцый з прыстаўкай не. Напрыклад, «Не месцы». У прасторы гарадоў ёсць месцы, якія дзейнічаюць па правілах, але не па лакальных асаблівасцях. Умоўна, для таго, каб не заблудзіць у аэрапортах, яны павінны ўсе мець аднолькавую логіку.
Гэтыя гульні мастак прадае па цане ад 40 да 100 еўра.
Фігура-размалёўка «Ваза»
«Мэта гульні — скарыстацца правам выбару: афарбоўваць вазу ці не. Адсылка да ваз і балюстрад на плошчы Перамогі. Зрабіў я яе ў 2021-м.
Кубікі «Персанальны манумент»
«Гісторыя з кубікамі — гэта яго акцыя ў 2012 годзе. Міхась па горадзе насіў кубікі і рабіў з іх альтэрнатыўныя помнікі, манументы на плошчах. Удалося зрабіць шмат фатаграфій у розных месцах. На плошчы Леніна Гуліна затрымалі. Гэтую гісторыю я таксама вынес у інструкцыю.
Мазаіка Fatern-pattern
«З бетону зроблена мініяцюрная плітка. Можна выкладваць рознымі ўзорамі дарожную плітку.
Лабірынт «План эвакуацыі»
«Лабірынт» — галоўная праца ў гэтай серыі.
Першы варыянт лабірынта быў вялікі, з дрэва. Зрабіў яго ў 2021 годзе ў рэзідэнцыі для мастакоў у Харкаве. У 2022-м вырашыў пераўтварыць яго ў маленькі фармат, бо беларусы раз'ехаліся па ўсім свеце, трэба, каб зручна было вазіць з сабой. А цяпер пераўтварыў у празрысты лабірынт, які складаецца з трох пластоў. Трэба заўважыць, дзе ёсць пераходы паміж пластамі. Гульня ўскладнілася максімальна. І сам працэс выезду беларусаў з краіны стаў неверагодна складаным. У мяне атрымалася прайсці гэты новы лабірынт», — расказвае Аляксандр.
«Пішу прыгожа!»
Калі я апублікаваў гэтую Канстытуцыю, чамусьці было шмат пытанняў ад людзей, навошта я выкарыстоўваю дзяржаўную сімволіку».
Сшытак «Сферы ўплыву»
12 аркушаў падзелена на чатыры гульні.
Collecting
Падабаецца яна мне, таму што яна адкрыла цэлую серыю, але не падабаецца, таму што я яшчэ не адчуваў неабходнасці паглыблення ў беларускі кантэкст. Тут ён адсутнічае, але ёсць антыстрэс, позірк на сябе», — кажа мастак.
Tangramarble
Гэту гульню Аляксандр зрабіў разам з Сяргеем Шабохіным.
Перакладанне, складанне гэтых элементаў і легла ў аснову гульні. Закрываем надпісы, інструкцыю для гульні, а калі метафарычна, то закрываем праблему», — расказвае мастак.
The «Dead End» puzzle
«Гэта галаваломкі з металу, — кажа Аляксандр. — Я проста дадаў сюды калючы дрот. Гэтыя цацкі зрабіў падчас наспявання міграцыйнага крызісу на мяжы Беларусі і Польшчы. Гульня з чалавечымі жыццямі спарадзіла такую працу. Яна аб тым, што ўвесь час шукаеш выйсця, развязкі, але ёсць перашкоды ў выглядзе гэтых калючак. У цэлым тут мала чаго ёсць ад цацкі, гульня выклікае абурэнне, нежаданне гуляць у яе. Гэта больш выставачны ўзор».
Rotakey
«Ротакей» бярэ свой пачатак у прынцыпах гульні 70-х гадоў мінулага стагоддзя пад назвай rotadraw, якая ўяўляла сабой набор кругоў з адтулінамі, паступова малюючы якія, атрымліваецца графічная выява.
«Найграўшыся, чалавек атрымлівае неабходныя навыкі лёгкай шыфроўкі некаторых паведамленняў і, што таксама важна, пароляў, якія складана запомніць. Бо як прыемна мець на сцяне светлую абстракцыю ў рамачцы і разумець, што пароль заўсёды навідавоку і пры гэтым такі далёкі для чужога разумення», — расказвае Аляксандр.
Набор «ДЖНК»
«З гэтага набору можна скласці нейкі свой персанальны помнік. Мне здаецца, што гэта вельмі класная гульня, бо яна расказвае пра наш кантэкст.
Размалёўка «Ад світання да змяркання 12 разоў»
Я ўспомніў, што ёсць такі дзіцячы спосаб малявання, калі трэба прыкласці да акна якую-небудзь выяву, а на яе потым белы ліст. Яна прасвечваецца, і можна абводзіць малюнак.
Мне здалося, што гэты абсурд можна так паказаць. Правілы гульні даволі страшныя. Для таго, каб у яе гуляць, трэба стаяць з прыкладзеным лістком да акна.
Скакалка «Трэба трэніравацца»
«Гэта мыліцы, якія звязаны спецыяльнай ніткай, — кажа мастак. — З-за гэтага яны ператвараюцца ў скакалку. Каб з імі хадзіць, трэба пераскокваць нітку ўвесь час. Гэта як своеасаблівы антыстрэс. Кантэкст у тым, што, каб быць у бяспецы, табе трэба ўвесь час трэніравацца, праходзіць выпрабаванні.
Гэты арт-аб'ект не прадаецца.
Чытайце таксама:
Выйшла настольная гульня «Тутэйшыя» са знакамітымі беларусамі
Цяпер чытаюць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5656
Каментары