Расійская віцэ-прэм'ерка заклікала расіян не купляць новыя джынсы кожны год
Віцэ-прэм'ер Вікторыя Абрамчанка распавяла, што разам з сям'ёй сартуе смецце. Яна прапанавала расіянам не купляць кожны сезон новыя джынсы, таму што на іх вытворчасць сыходзіць шмат вады, піша РБК.
Віцэ-прэм'ер Вікторыя Абрамчанка, якая курыруе нацпраект «Экалогія», распавяла ў эфіры тэлеканала «Расія 24» аб карысных экалагічных звычках у яе сям'і і заклікала расіян не купляць кожны сезон новыя джынсы.
Так, на пытанне журналіста пра тое, ці ёсць у яе сям'і карысныя экалагічныя звычкі, Абрамчанка адказала, што яна і члены яе сям'і «пачалі спажываць свядома». Паводле яе слоў, больш за 50% у смеццевым вядры жыхара сучаснага мегаполіса цяпер займае ўпакоўка ад розных тавараў. «Я зараз стараюся набываць тое, дзе менш упакоўкі, у мяне цяпер пластык, у мяне цяпер шкло, я сартую смецце», — распавяла віцэ-прэм'ер.
На просьбу даць параду людзям, якія хочуць унесці пасільны ўклад у паляпшэнне экалогіі, Абрамчанка прапанавала перад купляй чаго-небудзь думаць, як затым можна будзе ўтылізаваць гэтыя тавары.
«Яшчэ джынсы: калі ласка, не купляйце кожны сезон новыя джынсы!» — сказала яна, патлумачыўшы, што пры іх вытворчасці выкарыстоўваецца занадта шмат вады. «Можна хадзіць дастаткова доўга ў адных і тых жа джынсах ці неяк іх рэанімаваць», — адзначыла Абрамчанка.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары