У Турцыі праз 49 дзён пасля землятрусу знайшлі пад заваламі жывога ката 2

Хатняга гадаванца завуць Хан. Ветэрынары дыягнаставалі ў жывёліны моцнае абязводжванне і пералом лап.

Брытанцу серабрыстай пароды два гады. Ягоная гаспадыня Ніда Дзіна з дачкой пакінулі дом пасля першых штуршкоў землятрусу. Іх 11-павярховы дом цалкам абрынуўся, калі падземныя штуршкі паўтарыліся другі раз.

40 дзён Ніда Дзіна жыла ў машыне каля абломкаў разбуранага будынка і шукала свайго гадаванца.

Землятрусы на паўднёвым усходзе Турцыі магнітудай 7,7 і 7,6 адбыліся 6 лютага. Падземныя штуршкі, за якімі рушылі ўслед сотні афтэршокаў, адчуваліся ў 11-ці правінцыях Турцыі і ў суседніх краінах, з якіх больш за ўсё пацярпела Сірыя. Агульная колькасць ахвяр перавысіла 50 тысяч чалавек.

Чытайце таксама:

У Турцыі пасля землятрусу пад следства патрапілі больш за 600 чалавек

«Чалавека можа ўратаваць уважлівасць і падрыхтаванасць». Навуковец расказаў, як прадбачыць землятрус і што трэба мець каля сябе, калі жывеш у сейсмазоне

Землятрус у Турцыі: з-пад завалаў выратавалі 10-дзённае немаўля, агульная карціна бедства жахлівая

Nashaniva.com

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ