Белстат хаваў статыстыку ад беларусаў, а цяпер прыдумаў падставу, чаму можа гэта рабіць
Белстат апублікаваў новую інструкцыю аб распаўсюджванні статыстычных звестак, у якой назваў прычыну, чаму можа па сваім рашэнні не раскрываць статыстычныя даныя.
У новую інструкцыю Белстат уключыў пункт, які дазваляе структуры не раскрываць перад беларусамі інфармацыю.
Па рашэнні Нацыянальнага статыстычнага камітэта можа быць абмежавана распаўсюджванне афіцыйнай статыстычнай інфармацыі, калі яе распаўсюджванне ці прадстаўленне можа прычыніць шкоду, на думку Белстата, нацыянальнай бяспецы Рэспублікі Беларусь, грамадскаму парадку, маральнасці, правам і законным інтарэсам юрыдычных і фізічных асоб.
Белстат ужо каторы год закрывае ад беларусаў грамадска важную статыстыку. Ён закрыў статыстыку ў перыяд пандэміі каранавіруса аб смяротнасці і нараджальнасці, аб колькасці пенсіянераў, якія сталі галоўнымі ахвярамі «антыкавіднай палітыкі» ўлад, аб знешнім гандлі і іншыя даныя.
«Засяроджуся на працы з ЗША». Ціханоўскі расказаў пра свае палітычныя планы на 2026 год32
Каментары