На мяжы Беларусі з Польшчай, Літвой і Латвіяй уводзіцца анкетаванне. Адпаведнае рашэнне ўтрымліваецца ў пастанове Белстата, апублікаванай на Нацыянальным прававым партале.
Анкетаванне носіць добраахвотны характар, яго заяўленая мэта — вывучэнне «неарганізаванага ўвозу і вывазу тавараў фізічнымі асобамі і накіраванасці плыняў міжнароднага турызму». Адказаць на пытанні будуць прасіць фізічных асоб, старэйшых за 18 гадоў, на ананімнай аснове.
Анкетаванне будзе праводзіцца ў аўтадарожных пунктах пропуску на мяжы з краінамі ЕС. Адказаць на пытанні папросяць пры перасячэнні дзяржмяжы з Польшчай (цяпер функцыянуе два пункты пропуску), з Літвой (працуе шэсць пунктаў), Латвіяй (два пункты пропуску).
У пастанове адзначана таксама, што анкетаванне будзе праводзіцца і на мяжы з Украінай, аднак па стане на 5 красавіка 2023 года на ёй закрытыя ўсе 12 пунктаў пропуску.
Каментары