Каталікі і пратэстанты адзначаюць Вялікдзень. Хрыстос уваскрос!
Рыма-каталікі, грэка-каталікі і пратэстанты адзначаюць Вялікдзень — свята ў памяць пра ўваскрэсенне Хрыста.
«Няхай Вялікдзень прынясе кожнаму з нас новае жыццё, нягледзячы на тое, якія катастрафічныя падзеі адбываюцца ў свеце і ў нашым асабістым жыцці. Няхай гэтая пасхальная ўрачыстасць адкрые магілы страху, нянавісці, граху, клопатаў, цяжкасцяў і напоўніць нас надзеяй.
Няхай Уваскрэслы Хрыстос асвятляе сваім святлом усю цемру нашага жыцця, няхай прынясе нам надзею і спакой! Няхай Хрыстос сёння ўваскрэсне ў кожным з нас!» — сказаў у сваім слове на Вялікдзень арцыбіскуп Юзаф Станеўскі, Мітрапаліт Мінска-Магілёўскі.
Арцыбіскуп Тадэвуш Кандрусевіч у сваёй прамове дадае, што мы не выбіраем часу, у які нам выпала жыць, але выбіраем спосаб таго, як жыць у ім, — паводле Божага закону ці насуперак яму. А каб жыць згодна з Божым законам, мы павінны быць моцнымі праўдай уваскрэсення і не баяцца патрабаваць ад саміх сябе, не шукаць вінаватых, але самім станавіцца лепшымі і больш дасканалымі.
«Няхай уваскрэслы Хрыстос уваскрэсіць нас і нашую Бацькаўшчыну з магілы грахоў і адорыць патрэбнымі ласкамі для будавання новага свету паводле новай, пабудаванай на прынцыпах Евангелля логіцы праўды, міру, справядлівасці, прабачэння і ўзаемнай любові»,
— сказаў арцыбіскуп Тадэвуш Кандрусевіч, старшыня Камісіі агульнага душпастарства пры Канферэнцыі каталіцкіх біскупаў у Беларусі.
Хрыстос уваскрос! Сапраўды ўваскрос!
Мсціслаў Мекта: яшчэ адзін рэцыдывіст рвецца ва ўладу, прыкінуўшыся спецназаўцам-ябацькам15
Каментары
у вас крос