Выдавецтва «Янушкевіч» заключыла кантракт з вядомым амерыканскім пісьменнікам Стывенам Кінгам. Выхад першай кнігі запланаваны ўжо на гэты год.
«Выдавецтва Янушкевіч заключыла кантракт са Стывенам Кінгам. Так-так, цяпер сусветна вядомы пісьменнік — наш аўтар. Плануем выдаць як яго класічныя творы, так і найноўшыя. Выданне беларускіх перакладаў асабліва важнае таму, што аўтар забараніў выдаваць свае творы ў Расіі. Гэта быў яго адказ на ўварванне ва Украіну», — напісаў у сябе ў фэйсбуку выдавец Андрэй Янушкевіч.
З гэтай нагоды ён паказаў, як выглядаў пасля амаль месяца на Акрэсціна. «Так я выглядаю пасля прачытання яшчэ аднаго рамана Стывена Кінга», — пажартаваў Янушкевіч.
Ён паведаміў, што першая кніга выйдзе ў гэтым годзе. Але якая, не назваў.
«Прыходзьце на кніжную выставу ў Беластоку ў пятніцу, суботу і нядзелю, і даведайцеся першымі наўпрост ад Андрэя Янушкевіча», — напісаў ён.
Выстава пройдзе на гарадскім стадыёне ў Беластоку.
«Будуць сустрэчы з Уладзімірам Арловым і Алесем Кудрыцкім, ажно шэсць навінак-прэм'ер ад розных выдавецтваў (падумайце толькі, новыя кнігі Насты Кудасавай і Валера Гапеева!) сапраўды вялікі асартымент выданняў з Беларусі і іншых краін», — дадаў выдавец.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх10
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1515
Каментары