На «Каралеўскім зімовым кірмашы» ў Таронта карову па мянушцы «Голд Міс» прадалі за $1,2 млн. Чорна‑белая трохлетка элітнай Галштынскай пароды стала самай дарагой у свеце каровай.
Рагулю вырасцілі на ферме Блойса Томсана ў наваколлі горада Фрэнчфорт.
«Цяпер гэта самая дарагая маладая карова ў свеце», — заявіў журналістам Блойс Томсан, які займаецца развядзеннем Галштынскі пароды. Патомства каровы, як чакаецца, будзе «бясцэнным».
Паводле словаў фермера, ва ўмовах кантракту агаворваецца магчымасць атрымання генетычнага матэрыялу «Голд Міс». У наступныя гады гэта моцна паўплывае на паляпшэнне пароды ў розных краінах.
Цяпер чытаюць
Куды цяпер едуць вучыцца беларускія студэнты — топ краін і тэндэнцый8
Каментары