Харысан Форд атрымаў «Залатую пальмавую галіну». Гэта было вялікай нечаканасцю для славутага акцёра
Арганізатары Канскага кінафестывалю ўручылі галівудскаму акцёру Харысану Форду ганаровую «Залатую пальмавую галіну». Акцёр не ведаў загадзя аб узнагароджанні, таму вельмі здзівіўся.
80-гадовы Форд прыехаў на кінафестываль, каб прэзентаваць публіцы прыгодніцкі баявік «Індыяна Джонс і кола лёсу». Гэта пяты фільм франшызы, у якім акцёр сыграў галоўную ролю.
«Я глыбока крануты гэтым», — сказаў Форд, калі атрымаў узнагароду. Ён прызнаўся, што больш не будзе здымацца ў фільмах пра Індыяна Джонса.
Пасля ўзнагароджання гледачам паказалі відэаролік, які складаецца з яркіх момантаў фільмаў з Фордам.
«Кажуць, перад смерцю вы бачыце, як ваша жыццё праносіцца перад вашымі вачыма. Я толькі што бачыў, як усё маё жыццё прамільгнула перада мной», — заявіў ён.
76-гадовы Канскі кінафестываль стартаваў 18 мая. Ён скончыцца 27 мая.
У Харысана Форда, як вядома, беларускія карані. Яго бабуля нарадзілася ў яўрэйскай сям'і ў Мінску і ў пачатку ХХ стагоддзя эмігравала ў ЗША.
Пра галоўныя фільмы Канаў, якія ўсе чакаюць, можна пачытаць тут.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца3
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары