Кіно33

Фільм «Тэтрыс»: як замежныя бізнэсмены куплялі правы на сусветна вядомую гульню ў савецкага інжынера

Насамрэч гэта фільм пра нечаканае сяброўства паміж двума мужчынамі з розных сусветаў — капіталізму і камунізму. Стужка атрымалася не надта захапляльнай, але роўнай і вытрыманай у сваім тоне і стылістыцы, месцамі нават забаўнай. На сайце рэцэнзій Rotten Tomatoes 80% са 148 водгукаў крытыкаў станоўчыя, з сярэдняй ацэнкай 6,6/10.

Taron Egerton
Тэран Эджэртан у ролі бізнэсмена Хэнка Роджэрса. Фота: Apple+

Tetris быў створаны ў 1984 годзе, і з таго часу прададзена больш за 520 мільёнаў яго копій. Мала хто ведае, што гэту гульню прыдумаў савецкі інжынер Аляксей Пажытнаў (цяпер яму 67 гадоў і ён жыве ў ЗША). У цэнтры сюжэта новай стужкі ад Apple+, якая выйшла 31 сакавіка, — гісторыя Пажытнава, расказаная замежнікамі.

Дакладней, гэта не зусім гісторыя Пажытнава: галоўны герой — галандскі прадпрымальнік Хэнк Роджэрс, які змагаецца за тое, каб купіць у Аляксея правы на гульню. У 1988 годзе на выставе ў Лас-Вегасе Хэнк бачыць на суседнім стэндзе «Тэтрыс» і разумее, што гэта патэнцыйны хіт. Хэнк рашае набыць правы на гульню і даведваецца, што яе прыдумаў інжынер з Масквы.

Але Савецкі Саюз — краіна, закрытая для замежнікаў, і выкупіць правы на штосьці ў прыватнай асобы немагчыма, не спытаўшы дазволу ў КДБ. Натуральна, спецслужбы ўбачаць у намерах Хэнка пагрозу самому камунізму. «Герой хоча падзяліцца сваёй знаходкай са светам, але трапляе ў небяспечнае павуцінне хлусні і карупцыі за жалезнай заслонай», — так адзначыла кампанія Apple ў апісанні да фільма.

Безумоўна, фільм пакажа ўсе вядомыя стэрэатыпы пра жыццё ў Савецкім Саюзе: суровыя інтэр’еры, спробы купіць джынсы з-пад крыса і жыццё грамадзян «на карысць радзімы». Для сярэдзіны 80-х дэкарацыі выглядаюць надзвычай змрочна, але такой была аўтарская задума. Дарэчы, фільм быў цалкам зняты ў Шатландыі, і «краявіды Масквы» знятыя там жа.

Побач з прадпрымальным, жыццелюбівым і поўным аптымізму Хэнкам Роджэрсам Аляксей Пажытнаў выглядае даволі кантрасна — ён «ціхі геній», які не ставіць у жыцці нейкіх амбіцыйных мэт. Але калі пачне разгарацца міжнацыянальная бізнэс-заваруха, стане зразумела, што паміж героямі больш падабенстваў, чым здаецца на першы погляд.

Taron Egerton and Nikita Efremov
Галандскі бізнэсмен Хэнк Роджэрс (акцёр Тэран Эджэртан) і савецкі праграміст Аляксей Пажытнаў (Мікіта Яфрэмаў). Фота: Apple+

У стужцы з’явіцца нават Міхаіл Гарбачоў (Мэцью Марш), які размаўляе па-руску з акцэнтам, — і не для фону, а каб акцэнтаваць увагу на палітычным пераломе, намечаным гарбачоўскай палітыкай. Такім чынам, гісторыя з «Тэтрысам» становіцца прадвеснікам вялікіх перамен, што адбудуцца ў дзевяностыя.

Сярод недахопаў фільма можна назваць надзвычай заблытаную юрыдычную гісторыю куплі правоў, у якой глядач хутка згубіцца (між іншым, гэта гісторыя і ёсць рухавіком сюжэта, таму назіраць за яе развіццём, мала што разумеючы, часамі будзе стомна). А сярод пераваг — арыгінальнае ўпляценне графічных элементаў тэтрыса і музыкі камп’ютарных гульняў 80-х. Гэта добра працуе на карысць атмасферы і задае гуллівы і лёгкі тон. Пры гэтым з другой паловы стужкі ў ёй выразна загучаць зусім іншыя ноты — змрочныя і напружаныя. Але ў агульнай канве фільма нават яны не будуць успрымацца празмерна драматычна.

«Тэтрыс» не прэтэндуе на ўзнаўленне гістарычных падзей (шмат што з сапраўднай гісторыі правоў на «Тэтрыс» у ім зменена), не паказвае наватарскага бачання савецкіх рэалій і не прапануе неверагодных сюжэтных паваротаў. Але гэты дастаткова лёгкі і вытрыманы ў сваёй стылістыцы фільм чарговы раз нагадвае пра тое, наколькі няпростыя часам былі адносіны Савецкага Саюза з астатнім светам. І наколькі насамрэч няцяжка паразумецца людзям нават з розных канцоў свету, калі ў іх ёсць агульныя каштоўнасці.

Чытайце яшчэ:

У амерыканскім фільме паказалі вельмі дзіўную Беларусь ФОТЫ

Топ серыялаў ад журналістаў «Нашай Нівы». Некаторыя з іх дакладна стануць адкрыццём для вас

«Мяне завуць Джардані Ёванавіч, я дзіця Украіны». Украінскі кінапракат замахнуўся амаль на святое

Каментары3

  • даведка
    08.04.2023
    «Тетрис» казался слишком лёгким и примитивным после прохождения до последних этапов в «Ну, погоди!».
  • Bhagawan
    09.04.2023
    Hety film - čarhovaja "amerykanskaja dzič". Anachranizm na anachranizmie i tupaściu pahaniaje...
  • Gorliwy Litwin
    10.04.2023
    Bhagawan, а калі б рускія здымалі, дык было б яшчэ горш: суцэльныя мудрыя чэкісты і высачайшая руска-савецкая духоўнасць насуперак убогаму побыту. І загніванне праклятага Захаду. На жаль, большасць фільмаў здымаецца для тупых, бо дзе знайсці дастаткова разумных для камерцыйнага поспеху?

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць