Зламыснікі могуць атрымаць код двухфактарнай аўтэнтыфікацыі праз званок.
Служба падтрымкі Viber атрымала інфармацыю аб новым метадзе, які могуць выкарыстоўваць ашуканцы. Ён заснаваны на атрыманні кода верыфікацыі праз званок, паведамляе прэс-служба Rakuten Viber.
«Мы вывучылі сітуацыю і ўжо распачалі меры, каб абараніць карыстальнікаў, але лічым важным расказаць, як гэта працуе. Для актывацыі новай прылады ў Viber карыстальнік месенджара можа запытаць уваходны званок. Апошнія чатыры лічбы нумара тэлефона ад гэтага ўваходнага званка і ёсць код актывацыі», — паведамілі спецыялісты кампаніі.
Ашуканцы падманным шляхам просяць карыстальнікаў падзяліцца нумарам тэлефона гэтага ўваходнага званка, карыстальнікі паведамляюць яго, і такім чынам ашуканцы актывуюць уліковы запіс карыстальніка.
Viber нагадвае пра неабходнасць быць больш уважлівымі і асцярожнымі ў digital-асяроддзі, не паведамляць кодаў для актывацыі з паведамленняў або званкоў трэцім асобам, а таксама дапамагаць блізкім, калі адбываецца нешта падазронае.
З 2016 года ўсе асноўныя функцыі месенджара абаронены скразным шыфраваннем па змоўчанні, у тым ліку гэта тычыцца асабістых і групавых чатаў, асабістых аўдыя– і відэазванкоў, абмену медыяфайламі і бяспекі ўсіх звязаных прылад карыстальніка.
Цяпер чытаюць
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць2
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку5757
Каментары