У Крамлі не пацвердзілі словы Лукашэнкі, што ядзерную зброю ўжо завозяць у Беларусь
Без каментароў пакінуў пытанне аб тым, ці сапраўды працэс перамяшчэння нестратэгічнай ядзернай зброі з Расіі на тэрыторыю Беларусі ўжо пачаўся, прэс-сакратар прэзідэнта Расіі Дзмітрый Пяскоў, піша ТАСС.
25 мая Аляксандр Лукашэнка заявіў, што перамяшчэнне тактычнай ядзернай зброі з Расіі на тэрыторыю Беларусі ўжо пачалося, і Пяскова папрасілі пракаментаваць гэтую заяву.
Замест адказу Пяскоў расказаў, што Беларусь нібыта «сутыкаецца з вельмі недружалюбнымі, калі не сказаць больш — варожымі, — праявамі з боку суседніх для яе дзяржаў»:
«Гэта ўсё патрабуе ад нас далейшага развіцця нашых саюзніцкіх стасункаў, іх умацавання. Маюцца на ўвазе розныя галіны, у тым ліку і далейшае развіццё адносін у вайсковай сферы. Што мы і робім», — сказаў ён.
Калі ж Пяскова перапыталі, ці сапраўды працэс перамяшчэння нестратэгічнай ядзернай зброі з Расіі на тэрыторыю Беларусі ўжо пачаўся, ён адказаў, што ўжо «сказаў тое, што сказаў, па гэтай тэме», фактычна ўхіліўшыся такім чынам ад простага адказу.
«Разам з расійскай зброяй можа з’явіцца і расійская вайсковая база. А выперці іх будзе складана». Якія наступствы атрымае Беларусь праз размяшчэнне ядзернай зброі на сваёй тэрыторыі
Дзе размесцяць расійскую ядзерную зброю, выбух якой можа знішчыць цэлы горад?
Размяшчэнне ядзернай зброі ў Беларусі не будзе азначаць рэальную эскалацыю з боку РФ — ISW
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары